Автономияға көшу ЖОО-ның әлемнің үздік білім ошақтарының қатарына енуге мүмкіндік береді – профессор М.Сарыбеков
«Мемлекет басшысы айтып өткендей, жоғарғы білім беру сапасы халықаралық талаптарға сай келуі керек. Бүгінгі күннің басты міндеттемелерінің бірі білім беру жүйесін әлемдік қауымдастыққа жетелеу. Осы тұрғыдан алғанда біздің университеттер академиялық және басқару автономиясына өтуі керек. Ол өз кезегінде әлемнің алдыңғы қатарлы ЖОО қатарына жетелейді», - дейді университет ректоры.
Оның айтуынша, 2015 жылдың 1 шілдесінен бастап азаматтық қызметкерлер болып табылатын ЖОО-ның профессорлық-педагогтық құрамына жалақы төлеудің жаңа моделін енгізу халық арасында үлкен тартысқа түспек.
«2016 жылы студенттердің шәкіртақысын 25 пайызға көтеру үлкен үміт береді. Бұл қазақстандық жастарға берілген мүмкіндік. Осы арқылы жастар қоғамық белсенділікке ұмтылып, сапалы білім алу жолында тер төгетін болады», - дейді М.Сарыбеков.
