Міндетті медициналық сақтандыру пішіні туралы ұсыныстар форумы ДСМ сайтына шығады

ҚР Денсаулық сақтау министрлігінің сайтында міндетті медициналық сақтандыру моделі туралы нақты ұсыныстар форумы ашылады. Аталмыш мәселені пациенттердің құқын қорғау бойынша Қоғамдық кеңестің отрысында жан-жақты талқылау жоспарланып отыр.

ҚР денсаулық сақтау министрі Салидат Қайырбекованың айтуынша, Мемлекет басшысының кезекті Жолдауы елімізде саяси үрдіске айналды. Ол өз кезегінде еліміздің тарихын тағы бір парақты қосып отыр. Биылғы Жолдаудың басты ерекшелігі – оның «Қазақстан-2050» Стратегиясын іске асыру жоспарын қарастыруында. Әлемнің алдыңғы қатарлы 30 елінің құрамына ену «Мәңгілік Ел» ұлттық идеясының нақты өлшемін көрсеткендей.

Жиында министр міндетті медициналық сақтандыруды енгізу мен есептеу-есеп беру құжаттарын оңтайландыру туралы мәселелер бойынша жұмыс топтарына нақты тапсырмалар берді.

«Көрсетілетін медициналық қызметтердің спектрін кеңейту керек, жоғары маманданған медициналық көмекті барынша дамытып, кардиохирургия, нейрохирургия, транплантологияның даму қарқынын күшейтіп, оларды шет елдерде белсенді насихаттап, көршілес елдерге тарату керек. Халық арасында аурудың енді басталып келе жатқан кезінде денсаулық сақтау қызметкерлеріне жүгінудің маңызын кеңінен насихаттаған жөн. Соның ішінде жастардың денсаулық сақтау орталығы мен денсаулық сақтау мектептерінің қызметімен таныстыру керек», - деді Бас дәрігер.

Сонымен қатар, министр денсаулық сақтау қызметкерлер жалақысының 28 пайызға дейін өсетініне де тоқталды. «Бұл мамандардың жұмысқа деген құлшынысын арттыра түседі. Айта кету керек, денсаулық сақтау жүйесіне ынталандыру компоненті енгізілген. Соңғы нәтижеге қол жеткізген жағдайда медицина қызметкерлеріне жалақыға қосымша сыйақы алу мүмкіндігі бар», - деді министр.