Ақмола облысы Аршалы ауданының жастары Президенттің атына Жолдауды қолдау мақсатымен хат жолдады

Бұл бастама Аршалы ауданында Елбасының халыққа «Қазақстан жолы - 2050: Бір мақсат, бір мүдде, бір болашақ» атты кезекті  Жолдауына қолдау көрсету аясында көтерілді.

Форумның жұмысына мемлекеттік ұйымдардың өкілдері, халық қалаулылары мен Жас Отан жастар қанатының мүшелері, МЕҰ валантерлары және студенттер атсалысты.

Алқалы жиынға жиналғандар Жолдаудың негізгі бағыттары мен білім және әлеуметтік салаларды саралады. Сондай-ақ, олар  жобалық құжаттың маңызы мен жастардың алдына қойылған міндеттердің ауқымдылығы мен өсіп, өркендеу үшін жасалған игі шараларды атап өтті.