• Басты
  • Инновациялар: Елорданың цифрлық әлеуеті қалай артады
27 Қараша, 2018 14:53

Инновациялар: Елорданың цифрлық әлеуеті қалай артады

Еліміздегі басты инновациялық компаниялардың бірі Астана Innovations болашақта акселерация бағдарламаларын құруды, қатысушылардың лайықты стартаптарын халықаралық деңгейге шығаруды жоспарлап отыр. «Астана Innovations» АҚ 2018 жылғы жұмыстың қорытынды нәтижесімен бөлісті.
Инновациялар: Елорданың цифрлық әлеуеті қалай артады | Strategy2050.kz

Қазіргі таңда  Астананың интеллектуалдық әлеуеті маңызды стратегиялық ресурс ретінде қаралады. Оның экономикалық тиімділігі жиі тауар айналымынан түсетін табыстан асып түседі.

 «Астана Innovations» АҚ қаланың цифрлық экономикасын өсіру бойынша жоспарлы жұмыс жүргізуде, елордаға Қазақстанның ең жайлы әрі орнықты қалаларының біріне айналуға мүмкіндік беретін көптеген смарт жобалар іске асырылуда.

«Бүгінде біз міндетті түрде сервис сапасының жақсаруына әкелетін бәсеке туғызудамыз. Ол үшін біз ашық мәліметтер порталын іске қостық, оны ұдайы жаңарту бойынша жұмыс жүріп жатыр. Осы мәліметтер негізінде стартап пен бизнес қауымдастық өзінің жаңа сервистерін жасай алады. Біз қалаға не қажет екенін және елорда тұрғындары мен қонақтары нені қажет ететінін айқын түсінеміз, компаниямыз бизнес пен ІТ қауымдастыққа жаңа мүмкіндіктер ашады.», - деді Олжас Сартаев.

Сонымен қатар, инновациялық жүйенің, оның базалық институттарының, инновациялық жүйенің, оның базалық институттарының тиімділігін арттыру маңызды екенін атап өткен жөн. Олардың белсенділігін стартаптар мен венчурлық мәмілелерді қолдауға бағыттау керек.

Осы мақсатта 2017 жылы компания Astana Innovations Challenge жобасын іске қосты.

Ол жас новаторлардың, кәсіпкерлердің, стартаптардың, сарапшылар мен түрлі салалардағы менторлардың басын қосты. Аталмыш бағыт «Цифрлық Қазақстан» мемлекеттік бағдарламасын іске асыру жоспарының стартаптар мен хакатондарды өткізу бойынша 76-тармағына сәйкес жүзеге асырылуда, сондай-ақ «Смарт Астана» тұжырымдамасын іске асыруға бағытталған.

«Астана Innovaitions» АҚ  баспасөз қызметінің мәліметінше,  бүгінгі таңда 12 стартап-байқау (7 стартап уикенд және 5 хакатон) өткізілді. Әрбір шараның тақырыбы мегаполис тұрғындарының түйткілді мәселелерінен құрылған Астана қаласы әкімдігінің қалалық технологиялық міндеттер пулынан анықталды. 2017 жылдың басынан бері төрт мыңға жуық адам мұндай хакатондарға қатысып, онда біршама стартап-жобалар жасалды.

 «Біз үшін бұл адамдардың Startup және хакатон сияқты форматпен танысқаны, өздерін бәсекелі жағдайда сынап көріп, команда құрып, бірлесіп жұмыс жасауды үйренуі маңызды. Біз мұның тек елорданың ғана емес, бүкіл елдің инновациялық экожүйесінің дамуына қосылған үлес екеніне сенеміз. Біздің шараларымыз көптеген дарынды әрі белсенді жандардың басын біріктірді. Біз әрі қарай да Астананың инновациялық жобаларын дамыта береміз», - деді Олжас Сартаев.

Жақында елордада ісін жаңадан бастаған кәсіпкерлерді қолдауға арналған жаңа алаң ашылады.

Ол мегаполистің стартап қауымдастығын дамытуға және қолдауға мүмкіндік береді. Жобаны Астана қаласының әкімдігі «Астана Innovations» АҚ-мен, халықаралық «Seedstаrs» бизнес-инкубаторымен және «Bi Group» компаниясымен бірлесіп іске асыруда.

Компания басшысы аталмыш алаңның желісіне бүкіл әлем бойынша 70 мыңнан астам стартап кіретін «Seedstаrs» компаниясының ТМД-дағы алғашқы коворкинг орталығы болатынын айтып өтті.

Ол жылдың 365 күнінде 24 сағат бойы ашық тұрып, қалалық мәселелерді шешетін болады. Резиденттерге менторлардың, кеңесшілердің, техникалық мамандардың ауқымды желісі ұсынылады. Мұнан басқа, мұндай формат тек коворкинг-кеңсені ғана емес, сондай-ақ қатысушылар тұратын алаң – коливингті де қамтиды.

 «Болашақта біз акселерация бағдарламаларын құруды, қатысушыларымыздың лайықты стартаптарын халықаралық деңгейге шығаруды жоспарлап отырмыз», - деді «Астана Innovaitions» АҚ басшысы.

Айта кетейік, 2017 жылдың басынан бері 4 мыңға жуық адам стартап-байқауларға қатысты. Стартап-марафон барысында қазылар алқасы 120 финалисті анықтады, олардың арасында 36 команда оқ бойы озып шықты. Жобаларды бағалауға әлемнің 13-тен астам елінің халықаралық ұйымдарындағы 160-тан астам басшылар мен сарапшылар шақырылды.

Келесі іске асырылған стартап – көлік қоятын орынды жалға беруге арналған мобильді қосымша TuraQShare жобасы. Бүгінгі таңда жоба Астана қаласының 6 ТК іске қосылған.

«Docchain» жобасы – blockchain технологияларын пайдалана отырып, заңды құжаттарды алмасудың қауіпсіз сервисі. Жоба Қазақстанның түрлі алаңдарында тестілеуден өтті.

«Kompra» жобасы – іскери әріптестердің сенімділігін тексеру сервисі. 3 минут ішінде кез келген қазақстандық компанияны 40 заңды және қаржылық көрсеткіштер бойынша тексеруге мүмкіндік береді. Олар: салық, сот істері, жосықсыз жабдықтаушылар, банкроттар және жалған кәсіпорындар тізілімдерінде болуы және басқасы. Бүгінде жоба Астана Хабтың резиденті болып табылады және Қазақстан нарығына шықты.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды