Көкшетауда мектепке дейінгі мекеме ашылды
20 Қаңтар, 2014 18:15
Көкшетауда «Нұршуақ» балабақшасы бөлімшесінің салтанатты ашылуы өтті.
«Жаңа балабақша 70 орынға есептелген. Мекемеде бүлдіршіндердің тәрбиеленуіне барлық жағдай жасалған: жайлы жатын бөлме, әдемі балалар жиһазы, түрлі ойыншықтар мен дидактикалық материалдар. Үш топқа тәрбие мен білім беру жұмыстарын жүргізу үшін аралас тілде сабақ өткізіледі. Онымен қоса, қосымша би, ағылшын тілі үйірмелері мен логопедикалық пункт бар», - делінген акиматта.
Айта кету керек, мекеме толықтай білікті маманмен қамтамасыз етілген. 14 адам «Жұмыспен қамтудың жол картасы-2020» бағдарламасы бойынша жұмысқа орналасты.
