Мемлекеттік бағдарламалар Елбасының тапсырмалары бойынша топтастырылады – Б. Жәмішев
20 Қаңтар, 2014 16:53
БЖК-2020 және ҮИИД бағдарламалары Елбасының тапсырмасы бойынша топтастырылады. Бұл туралы ОКҚ-нің баспасөз отырысында Өңірлік даму министрі Болат Жәмішев мәлімдеді.
« «Бизнестің жол картасы -2020» бағдарламасына Мемлекет басшысының тапсырмасымен өз ісін бастаушы кәсіпкерлер мен жастар, мүгедектер, қарт адамдар біріктіріледі.Кепілдендіру, субсидиялау шарттары жеке қарастырылатын болады», - деді министр.
Сондай-ақ, БЖК-2020 және ҮИИД бағдарламасының бағыты айқын анықталады.
«БЖК бағдарламасы аймақтардың жетекші саласын дамытуға бағытталады. «Өнімділік – 2020» бағдарламасын арнайы секторлар мен кластерлердің қолдауына бағыттайды», - деді Б. Жәмішев.
Айта кетейік, жұма күні Мемлекет басшысы Н. Назарбаев Үкіметке «Бизнестің жол картасы -2020» бағдарламасының екінші бесжылдығын құруды тапсырған болатын.
