• Басты
  • Елбасы ТМД-ға мүше елдердің Үкімет басшылары кеңесінің мүшелерімен кездесті
2 Қараша, 2018 15:01

Елбасы ТМД-ға мүше елдердің Үкімет басшылары кеңесінің мүшелерімен кездесті

Қазақстан Президенті ТМД-ға мүше елдердің Үкімет басшылары кеңесінің мүшелерімен кездесті, деп хабарлады Ақорданың баспасөз қызметі.
Елбасы  ТМД-ға мүше елдердің Үкімет басшылары кеңесінің мүшелерімен кездесті | Strategy2050.kz

Кездесуге Қазақстан Республикасының Премьер-Министрі Б.Сағынтаев, Әзербайжан Республикасының Премьер-Министрі Н.Мамедов, Беларусь Республикасының Премьер-Министрі С.Румас, Қырғыз Республикасының Премьер-Министрі М.Абылғазиев, Тәжікстан Республикасының Премьер-Министрі К.Расулзода, Өзбекстан Республикасының Премьер-Министрі А.Арипов, Ресей Федерациясы Үкіметінің төрағасы Д.Медведев, Армения Республикасының бірінші вице-премьері А.Мирзоян, Түрікменстанның Министрлер Кабинеті төрағасының орынбасары Г.Мурадов, ТМД-ның Атқару комитетінің төрағасы – Атқарушы хатшы С.Лебедев қатысты.

Мемлекет басшысы ТМД-ға мүше елдер делегацияларының басшыларына ілтипат білдіріп, Достастық мемлекеттерінің ынтымақтастығын нығайту үшін бүгін өтіп жатқан Кеңестің айрықша мәні бар екенін атап өтті.

«Бүгін сіздер Үкімет басшылары кеңесінің кезекті отырысына қатысасыздар. Оның күн тәртібінде 15 нақты мәселе бар. Бұл іс-шара елдеріміз арасындағы өзара тиімді қарым-қатынастарды одан әрі дамытуға зор үлес қосады деп сенемін», – деді Нұрсұлтан Назарбаев.

Қазақстан Президенті ТМД елдері арасындағы сауда-экономикалық байланыстарды дамытудың маңыздылығын айтты.

« Ширек ғасырдан астам уақыт ішінде ТМД іргелі ұйымға айналды. Бұл бірлестік халықтарымыз арасындағы тарихи байланыстарды сақтап қалуға мүмкіндік беріп, әр елдің егемендігін нығайтуға септігін тигізді. Қазіргі кезде Достастық аясындағы өзара ықпалдастықтың маңыздылығы арта түсті. ТМД-дағы сауда-саттық көлемі өсіп келеді. Былтыр тауар айналымының көлемі 25 пайызға артып, 164 миллиард долларға жетті. Мұндай үрдіс биыл да жалғасын табуда», – деді Мемлекет басшысы.

Қазақстан Президенті ТМД мемлекеттер басшылары кеңесінің биылғы отырысының нәтижелеріне де тоқталды.

«Біз ұйымымызды нығайту мәселелерін қарастырдық. Соның ішінде жұмыстың тиімділігін арттыруға және оны заман талабына сай бейімдеуге бағытталған жаңғырту үдерісін ілгерілетуге мән бердік. Достастық аясындағы экономикалық кооперацияны кеңейту үшін Экономикалық даму стратегиясын жандандыру және ТМД елдері көрсететін қызметтердің еркін саудасы туралы келісімнің қабылданған жобаларын жүзеге асыруды жеделдету қажеттігі айтылды», – деді Нұрсұлтан Назарбаев.

Сонымен қатар, Мемлекет басшысы Душанбедегі Мемлекеттер басшылары кеңесінің отырысында жария етілген жаңа ұсыныстар, соның ішінде  ТМД аясында сауда кедергілерін жою, көлік-логистика және туризм салаларындағы өзара іс-қимылдың тиімділігін арттыру, ғарыш саласындағы жобаларды жүзеге асыру, цифрлық экономиканы дамыту және инновациялық шешімдерді пайдалану мәселелерін талқылау нәтижесі жөнінде әңгімеледі.

«Технопарктер интеграциясы және бірлескен инновациялық жобалардың жүзеге асырылуы ТМД кеңістігінде жоғары технологиялық өндіріс қалыптастыру үшін үлкен синергетикалық пайда табуға мүмкіндік береді. Батыс елдері жасанды интеллектке жол ашатын 5G форматындағы интернетті белсенді түрде қолдануда. Бізге оны дамыту ісімен айналысу керек. Мұны әрқайсымыз жеке-жеке іске асыра алмаймыз», – деді Қазақстан Президенті.

Нұрсұлтан Назарбаев сөзінің соңында Мемлекеттер басшыларының кеңесінде айтылған бастамаларды іске асыру үшін нақты шаралар кешенін әзірлеу қажеттігін айтты.

« Барлық бағыт бойынша тиімді шаралар кешенін әзірлеу – маңызды міндет. Бұл бастамалардың жүзеге асырылуы экономиканың дамуына септігін тигізіп қана қоймайды, сондай-ақ мемлекеттеріміз арасындағы достық әрі тұрақты қарым-қатынастарды нығайтудың маңызды факторына айналады», – деді Мемлекет басшысы.

Сонымен қатар, кездесу барысында Қазақстан Республикасының Премьер-Министрі Б.Сағынтаев пен Ресей Федерациясы Үкіметінің төрағасы Д.Медведев баяндама жасады.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды