Елбасы елдің әлеуметтік-экономикалық дамуының бағыт-бағдарын көрсетті – сенатор
Б.Жұмағұловтың айтуынша, Жолдау елдің әл-ауқаты, тұрмысын жақсартуға бағытталды.
« Елбасы жан-жақты, нақты тапсырмалар берді. Әлеуметтік сала қызметкерлерінің жалақысын жоғарылатуды тапсырды. 2019 жылдың 1 қаңтарынан бастап ең төменгі жалақыны 1,5 есеге көбейтуді тапсырды. Ең аз жалақы 28 мың теңгеден 42 мың теңгеге көбейеді. Келер жылдан бастап 1 миллион 300 мың адамның еңбекақысы көбейеді», - деді ол.
Бақытжан Жұмағұлов айтып өткендей, Елбасы осы мақсатқа 2019-2021 жылдарда республикалық бюджеттен жыл сайын 96 миллиард теңге қаржы бөлуды тапсырды.
«Сонымен қатар, сапалы кадр дайындауды айрықша тапсырды. Ауыл шаруашылығын субсидиялау мәселесі де оң шешімін табатынын айтты. Осы жолғы Жолдау – экономиканы өркендетудің, халықтың әлеуметтік тұрмысын жақсартудың бірден-бір тетігі», - деді Б.Жұмағұлов.
