• Басты
  • Туризм индустриясы комитетінде мүмкіндігі шектеулі азаматтарды жұмыспен қамту жобасы қаралды

Туризм индустриясы комитетінде мүмкіндігі шектеулі азаматтарды жұмыспен қамту жобасы қаралды

20 Қаңтар, 2014 15:00
ҚР ИЖТМ Туризм индустриясы комитеті Елбасымыздың Жолдауы шеңберінде, туристік саладағы мүмкіншілігі шектеулі азаматтарды жұмыспен қамту жобасын қарады.

Кеңесте арнайы компьютерлер мен оргтехникалармен жұмыс істеуге қабілетті мүмкіндігі шектеулі адамдарды жұмыспен қамту жөнінде туристік бизнес өкілдерімен мемлекеттік құрылымдардың ықпалдық жүйесін құру бойынша өзара әрекеттесулерінің жобасы қаралды.

Жобаның мақсаты - Қазақстанның барлық өңірлері бойынша Жұмыспен қамту орталықтары арқылы оқыған, сертификаттау кезеңдерінен өткен туризм жөніндегі менеджерлерді даярлау болып табылады. Жобаға сәйкес, онлайн-оқу мен тестілеу жүйесін жүргізумен қамтамасыз ету көзделіп отыр.

Сондай-ақ, талқылау барысында Қазақстанның ішкі туризмі бағдарламасын дамыту шеңберінде, мүмкіндіктері шектеулі азаматтарға арналған арнайы сайт құру ұсынылды. Кеңестің нәтижесі бойынша, мүдделі мемлекеттік органдарымен және бизнес-қоғамдастықтарымен бірге аталған жобаны жүзеге асыруды пысықтауға шешім қабылдады.

 

 

 

Барлық жаңалықтар