• Басты
  • Елбасы бастамалары халықтың игілігін арттыруға бағытталған – сарапшылар пікір
9 Қазан, 2018 12:32

Елбасы бастамалары халықтың игілігін арттыруға бағытталған – сарапшылар пікір

Елбасы Нұрсұлтан Назарбаевтың халыққа Жолдауы жұртшылықтың қолдауына ие болды. Алматы облысында әр түрлі салада жұмыс істейтін мамандар Президент Жолдауындағы бастамалар халықтың игілігін арттыруға бағытталғанын жеткізді.
Елбасы бастамалары халықтың игілігін арттыруға бағытталған – сарапшылар пікір

Алматы облысы  Жамбыл ауданы  Ә. Бейсеуов атындағы орта мектептің мұғалімі    Алма Маханова Елбасының  кезекті Жолдауын тыңдап, онда ұстаз беделін арттыруға ықпал ететін «Педагог мәртебесі туралы» заңды әзірлеуді  ұсынғандығын естіп, марқайып  қалғанын жеткізді.

«Бұл құжат мұғалімдер мен тәрбиешілерді артық жүктемеден арылтуға сеп болмақ.Расында да қазір ұстаздарға артылып жатқан салмақ зор. Жаңа заманның жаңа оқушысын тәрбиелеумен қатар өз міндетіне жатпайтын өзге де міндеттерді атқаруына тура келіп жатады. Осы тұрғыдан алғанда Елбасы ұсынып отырған заң аса қажет.Мемлекет басшысы мектепке дейінгі білім беру сапасын жақсартуға да мән беріп, бұл орайда тәрбиешілердің және балабақшадағы басқа да қызметкерлердің еңбекақысын қайта қарау қажеттігін атап өтті. Білім және ғылым министрлігі әкімдіктермен бірлесіп, биыл тиісті «Жол картасын» әзірлеуі қажеттігін алға тартты», - деді ұстаз.

Сондай-ақ, ол Елбасының үш ауысымды мектептерді түбегейлі жоюды да тапсырғанын атап өтті.

«Бұл орайда облысымызда қарқынды жұмыс жүріп жатқанынан, осы мақсатта өткен жылы 38 мектеп салынғанынан хабардармыз. Елбасы Жолдауында Назарбаев зияткерлік мектептерінің оқыту жүйесі мен әдістемесін мемлекеттік мектептерге бірыңғай стандарт ретінде енгізу қажеттігін, білім сапасын бағалау жүйесі халықаралық стандарттарға негізделуге тиіс екендігін де айта кетті. Орта мектептердің өзінде балаларды мейлінше сұранысқа ие мамандықтарға бейімдеп, кәсіби диагностика жүргізу маңыздылығына да тоқталды.Балалар қауіпсіздігінің маңыздылығын ескеріп, мектептер мен балабақшаларды бейнебақылау жүйесімен қамтамасыз етуді, мектеп психологтарының жұмысын күшейтуді тапсырды.
Осылайша Елбасының Жолдауы білімнің өзекті мәселелерін қозғауымен көңілімізден шықты. Оның оқытудың өзекті мәселелерінің шешілуі мен ұстаз белелінің артуына ықпал етеріне кәміл сенеміз», - деді А.Маханова.

Өз кезегінде  «Жетісу» ӘКК» ҰК» АҚ агротехнология жөніндегі кеңесшісі, ауылшаруашылығы ғылымдарының кандидаты Әбілқайыр Бексұлтанов  Елбасының бұл жолғы Жолдауы да тың идеяларға толы, еліміздің әлеуметтік-экономикалық дамуының өзекті мәселелеріне және қазақстандықтардың әл-ауқатын одан әрі көтеруге арналғанын айтты.

 «Мемлекет басшысының барлық Жолдауын еліміздің жарқын болашағына арналған стратегиялық құжат деуге болады.  Жолдауда көрсетілген мақсат-міндеттерді жүзеге асыруда атқарылатын жұмыстар кезең-кезеңімен қарастырылған. Осы ретте кәсіпкерлік, ауылшаруашылығы, білім, денсаулық, заң, тағы басқа салаларға жеке-жеке тоқталған Елбасы Қазақстандағы ауылшаруашылығы мамандарын жаңа технологиялар бойынша жаппай оқытуды, 2022 жылға қарай еңбек өнімділігін ұлғайтып, өңделген ауылшаруашылығы өнімдерінің экспортын 2,5 есеге арттыруды, сондай-ақ, мемлекеттік қолдаулардың барлық шарасын заманауи агротехнологияларды тартуға бағыттау керек екенін айтты. Айта кетейік, облыста жаңа технология жүйесінде биыл қант қызылшасы 11 мың гектар алқапқа егілген. Әр гектардан орта есеппен 400 центнерден өнім жиналады деп күтілуде. Одан 40-42 мың тонна қант өндіріледі. Бұл дегеніңіз, 2 миллион халқы бар облыс тұрғындарының азық-түлік қажеттілігін толық қамтамасыз етеді деген сөз. Осының бәрі жаңа технологиялардың арқасында қол жеткізілген нәтиже», - деді ол.

Сондай-ақ, ол Елбасы бірінші қаңтардан бастап шағын және орта бизнес үшін салықтық амнистия жүргізілетінін мәлімдегенін айтты.

« Халықты толғандырып жүрген өзекті мәселелерге ден қойған Президент жергілікті маңызы бар жолдарды қалпына келтіріп, ауылды жерлерді сумен қамтуға бөлінетін қаражат көлемін ұлғайтуды, сондай-ақ, өңірлік, қалалық инфрақұрылымдарды дамытып, тұрғын-үй коммуналдық шаруашылығы мәселесін шешуді назарға салды. Қазақстандағы экологиялық ахуалды жақсартып, келешегі жоқ ауылдарды дамытудың қажет еместігі де айтылды», - деді ол.

Ол атап өткендей, Жолдау елдің игілігін арттыруға бағытталған құжат.

«Қалай десек те, ел жағдайын жақсартып, экономиканы дамытуға серпін беретін, жан-жақты саланы қамтыған маңызды құжат болашаққа сенім ұялатып, тың бастамаларды жүзеге асыруға жетелейді деп ойлаймын. Сондықтан, ел игілігіне арналған маңызды құжаттың жалпы қарапайым халықтың ойынан шығып, жүрегінен орын алары сөзсіз», - деді Әбілқайыр Бексұлтанов.

Аягөз Құрмаш 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды