Елбасы Жолдауында жастарға аса көңіл бөлінген – жастар
«Қазіргі жасалып жатқан жақсылықтың барлығы жастарға бағытталып отыр. 2050-ші жылды Қазақстанда құру және онда өмір сүру мүмкіндігі бізге, яғни жастарға беріліп отыр. Сондықтан да елімізде алғаш рет жастар жылын атаудың өзі жастарға арналған тарихи мүмкіндік», - деді ол.
Оның айтуынша, жастарды материалдық өнімдерді шығаруға ғана емес, заманауи өнімдерді өндіре алатын, бәсекеге қабілетті жастарды дайындауымыз керек.
«Біліктілікті арттыру жағынан «Жас Отан» жастар қанатының тарапынан бірқатар шаралар жүргізіліп жатыр. Ауылдағы жастарды ағылшын тіліне үйрету, кітапхана жұмыстарына жаңғырту жасап, біліктілігін арттыру сынды шаралар жүргізіліп жатыр», - деді Дәулет Кәрібек «Жас Отан» жастар қанатының атқарушы хатшысы.
Өз кезегінде Қазақстан студенттер альянсының төрағасы Ілияс Түстікбаев Елбасының Жолдауында жастарға көп көңіл бөлінген.
«Елбасы биыл студент жастарға көп көңіл бөліп отыр десем болады. Себебі, жыл басынан бері жарияланып келе жатқан студенттерге арналған қосымша 20 мың грант, студенттерге қосымша 75 мың орындық жатақханалары және бүгінгі күні айтқан білім саласына назар аударуы – өзіміздің студенттердің шетелге оқымай, еліміздегі ЖОО-да оқыту тапсырмаларын атап өту керек. Сонымен қатар, келесі жылды «Қазақстан жастар жылы» деп жариялауды ұсынды. Бұл – дегеніміз студент жастарға керемет мүмкіндік. Себебі қазіргі жастар шетел оқу орындарын таңдап отыр. Сондықтан қазіргі уақытта ЖОО рейтингін жоғарылату, білім сапасын арттыру, қайта даярлау курстарынан өткізу – мұның барлығы ел экономикасын көп шығын келтірмей, сапалы мамандар даярлауға мүмкіндік береді», - деді Түстікбаев.
Елбасы өз Жолдауында былай деген еді:
«Келесі жылды Жастар жылы деп жариялауды ұсынамын.Біз ауылдық жерлердің әлеуметтік ортасын жаңғыртуға кірісуіміз қажет.Бұған арнайы «Ауыл – Ел бесігі» жобасының іске қосылуы септігін тигізеді.Бұл жоба арқылы өңірлердегі еңбекке қатысты идеологияны ілгерілетуді қолға алу керек.Бойскаут қозғалысы сияқты «Сарбаз» балалар-жасөспірімдер бірлестігін құрып, мектептерде әскери-патриоттық тәрбиенің рөлін күшейткен жөн», - деді Елбасы.
Аягөз Құрмаш
