Астанадағы көтерме-коммуналдық базарының құрылысы үшін инвестор таба алмауда
20 Желтоқсан, 2012 00:00
«Астана» әлеуметтік-кәсіпкерлік корпорациясы бас қаладағы көтерме-коммуналдық базарының құрылысы үшін серіктес таба алмауда. Бұл жөнінде «Астана» ӘКК ҰК» АҚ-ның төрағасы Мұхиден Әбілдинов мәлімдеді.
«Қазіргі уақытта аталған жобаны жүзеге асыру үшін инвестор іздеудеміз. Жобаның маңызы зор. Себебі, барлық санитарлық талаптар сақталған, тауарды сақтаудың инфрақұрылымы қолайлы сауда алаңы қалаға аса қажет», – деді М.Әбілдинов.
«Бүгінде ауыл шаруашылық өнімдерін өндірушілер үшін қаланың сауда алаңына қол жеткізе алмау айқын проблема болып отыр. Біз қазір «Astana» ӘКК» АҚ-ға базар құрылысына арналған жер учаскесін және жобалық-сметалық құжаттаманы беру бойынша келіссөздер жүргізудеміз», – деді «Астана» ӘКК басшысы.
Жоба құны шамамен 5,3 млрд теңгені құрайды.
