Президент Жолдауы – қоғам қажеттіліктерінің көрінісі – ҚХА мүшесі Ә.Войнце

20 Қаңтар, 2014 12:15

Президент Жолдауы «Қазақстан-2050» Стратегиясында көрсетілген біздің қоғамның қазіргі қажеттіліктерінің кезекті бір көрінісі. Нұрсұлтан Назарбаев айтқан мәселелер жасы мен ұлттық ерекшеліктеріне қарамастан әр қазақстандыққа қатысты, дейді «Қазақстандық дүнген қауымдастығы» ҚБ төрағасы, Қазақстан халқы Ассамблеясының мүшесі Әбубәкір Войнце.

«Жолдаудың мазмұны жыл санап нақтыланып келе жатыр. Мемлекет басшысы елдің дамуына ерекше тоқталады. Соның ішінде азаматтардың өмір сүру деңгейі, елдің алдыңғы қатарлы 30-дықа ену мәселесі қамтылады. Осыдан Қазақстанның болашағының жарқын екеніне көзіміз жете түседі.Президент мемлекетті даналықпен басқарады. Нәтижесінде азаматтардың өмір сүру деңгейі артып, экономика дамиды. Сонымен қатар, Қазақстан бүгінгі таңда аймақтық және әлемдік саяси аренада үлкен рөл ойнайды», - дейді Ә.Войнце.

Оның айтуынша, Астанада өтетін Халықаралық ЭКСПО-2017 көрмесінің өткізілуі - Қазақстан үшін әлемде өзінің атын таныстыруға үлкен мүмкіндік болып табылады.

«Президент Үкімет пен Қазақстан халқы Ассамблеясына «Мәңгілік ел» бағдарламасын дайындауды және қабылдауды тапсырды. Өз тарапымнан мен «Қазақстандық дүнген қоғамы» ҚБ төрағасы ретінде дүнгендердің «Қазақстан-2050» Стратегиясының іске асырылуы мен ҚР Президенті Жолдауының қолдау табатынын айта аламын», - деді Ә.Войнце.

Барлық жаңалықтар