Президент Жолдауы - қазақстандықтар қызметінің жетекшісі - Ю. Тимощенко

«ХХI ғасырдағы Қазақстан – бар-жоғы жиырма жылдың ішінде дарынды, еңбекқор, толерантты елдің «жоқтан» құрған мемлекеті. Бұл біздің ортақ жемісіміз, біз оны мақтан тұтамыз. Бұл үлкен жетістік және мақтаныш», - деген сөздермен бастады өз Жолдауын Мемлекет басшысы. Бұл сөздер барлық қазақстандықтардың көңілінен орын тапты.

Мен өз Отанымның азаматы ретінде, Қазақстан халқы Ассамблеясының мүшесі ретінде мақтанышпен және үлкен жауапкершілікпен әр сөзді үлкен шабытпен тыңдадым. Жолдаудың мазмұны мен ойы барлық қазақстандықтардың бейнесін ашқандай. Президент патриотизм, инновация,геология, ауыл шаруашылығы, ғылым, транспорт туралы көкейкесті мәселелерге тоқталды. Сонымен қатар, инновациялық идеялар жайлы айтты. Бұл біздің қазіргі еліміздің алға қойған мақстына жетудің төте жолы», - дейді Ю. Тимощенко.

Депутаттың айтуынша, Жолдауда ЖІӨ көрсеткішін арттыру, бизнестің дамуына барлық кедергілерді жою, мектепке дейінгі балаларды біліммен  толық қамту, мектептердегі орын тапшылығы мәселелері өте өзекті.

«Адамдардың әлеуметтік жағдайы басты мақсатқа  жету  жолындағы ең басты міндет болуы тиіс», - деді Елбасы Нұрсұлтан Назарбаев. Сондай-ақ, ол әрбір қазақстандықтың өмір сүру деңгейі жоғары болу керектігін де алға тартқан болатын. Оның айтуынша, Қазақстан адамдардың өмір сүруіне қауіп төндірмейтін ортаға айналуы тиіс. Аталмыш Жолдау – біз ел болып жүзеге асыратын  құжат», - деді Ю.  Тимощенко.