Біздің алдымызға өңірлерді дамыту тапсырмасы қойылды – Қ. Айтмұхамбетов
« Елорданың агломерациялық алаңын дамыту қала жанындағы аймақтарды дамытуға өз үлесін қосады. Елдің бас қаласы сияқты олар да ауқымды орталықтарға айналады. Президент аграрлық ғылымның дамуы туралы айтқан болатын, оның ішінде гендік-модификациялық мәдениеттің дамуы да алға тартылды. Бұл дегеніміз Қазақстан аймақаралық ауқымды экспортаушылардың біріне айналуы мүмкін», - деді аймақ басшысы.
Қ. Айтмұхамбетовтың айтуынша, Ақмола облысы агроөндірістік өңір ретінде кәсіпкерлікті дамыту мен ауыл шаруашылығын дамыту саласында жетекші орынға ие. Өңір жалпы республикалық ауқымның төрт бөлігін өндіріп отыр.
«Бүгін біз ауыл шаруашылығының қайта жандануын арттыру үшін бірқатар жұмыстар жүргізіп отырмыз. Жеке белгіленген жетістіктер бар. Негізгі тапсырмалардың бірі Астана қаласының маңында өндіріс белдеуін құру. Ол нарықты үлкейтіп, елордалықтарды азық-түлікпен қамтамасыз етеді», - деді Қ. Айтмұхамбетов.
Айта кетерлігі, аталмыш бағдарламаны жүзеге асыру үшін Ақмола облысының барлық аудандары тартылды.
Естеріңізге сала кетейік, Қазақстан халқына Жолдауында Президент шағын және орта кәсіпкерлік жаңа инновациялық кәсіпкерліктер аясында дамитынын айтқан еді. Оның айтуынша, елімізде кәсіпкерліктің дамуына кедергі келтіретін құқықтық нормаларды алып тастау керек. Индустрияландырудың екінші бесжылдығының жоспары «Бизнестің жол картасы-2020» бағдарламасына енгізілетін болады.
«Осы бағытта көптеген жұмыстар бар. Бүгінде мемлекеттік бағдарламаларды іске асырудың арқасында қолайлы жағдай жасалып, облыс халқы өз кәсіптерін дөңгелетіп жатыр, жаңадан өндірістер ашылды. Біздің облыста туристік саланы дамытуға көптеген мүмкіндіктер бар. Демалыс орындары жайлы георграфиялық ортаға ие. Онымен қоса, аталмыш орындар халық тығыз орналасқан индустриялды аймақтардан алыс емес. Осынау табиғи-климаттық ерекшеліктерге ие бола отырып ТМД елдері ішінде сұранысқа ие демалыс орнын құруға болады», - дейді Ақмола облысы әкімі Қосман Айтмұхамбетов.
