Бізді, ауылдықтарды ҚР-да фермерлікті дамытудың жаңа әдісі қуантады – аудандық мәслихат хатшысы М.Жұмабаев
«Бізді, ауыл тұрғындарын фермерлердің ұзақ мерзімді қаржыландыруға қол жеткізіп, нарыққа алып сатарсыз өнімін өткізуге мүмкіндік алу қуантады», - дейді аудандық мәслихат хатшысы.
Сонымен қатар, 2014 жылдың 17 қаңтарындағы Жолдау халыққа көптеген мүмкіндіктерге жол ашты.
«Аталмыш құжаттың құндылығы сонда, ол «Қазақстан-2050» Стратегиясын іске асырудың ұзақ мерзімді бағытын көрсетеді. Оның ішінде елдің дамуындағы барлық бағыттар қамтылған. Баса назар аударылған мәселелердің бірі мұндағы барлық бағыттарда нақты тапсырмалар мен міндеттемелер берілген. Мысал ретінде әлеуметтік саланы алатын болсақ, 2020 жылға қарай 3-6 жас аралығындағы қазақстандық бүлдіршіндердің 100 пайызы балабақшамен қамтамасыз етілетін болмақ. Студенттердің шәкіртақысының өсуі мен азаматтық қызметкерлердің еңбек жалақысын төлеудің жаңа моделін енгізу, денсаулық сақтау мен білім беру саласы мамандарының жалақысын арттыру осының дәлелі», - дейді М.Жұмабаев.
