Ұлт Көшбасшысының таңдаған жолының ақиқаттығы мен дұрыстығына көзіміз жетті – Т. Әминов
«Біз жыл сайын Президентіміздің кезекті Жолдауын асыға күтеміз, өйткені ол қоғамымыздың бағдаршамы ретіндегі бұл құжатта еліміздің алдағы уақыттағы даму стратегиясын айқындап беріп отырады. Бұл ретте Ұлт Көшбасшысының таңдап алған жолының ақиқаттығы мен дұрыстығына біздің көзіміз жетеді. Біз оған сенеміз және оны толығымен қолдаймыз», - деді профессор.
«Қазақстандықтардың алдағы уақытта тынбай, қажырлы жұмыс істеуі керек екендігін аңғартты. Ал жұмыс барлығымызға жетеді, бұл бізді қорқытпайды, керісінше біздің ертеңгі күнге деген сенімімізді нығайта түседі, өйткені Жолдауда қайсыбір бұлыңғыр перспектива емес, керісінше кең ауқымды жұмыстардың орындалуының нақты әдістемелік қадамдары сипатталған. Олар қазіргі мектептер мен жоғары оқу орындарында оқып жатқан өздерінің құрдастарымен бірге «Қазақстан - 2050» Стратегиясында баяндалған мақсаттарды іс жүзіне асырып, Елбасының биылғы жылғы Жолдауында қойылған міндеттерді орындайтын болады», - деді Т. Әминов.
Ең бастысы, осының нәтижесінде жүздеген мың жастарымыз, қазіргі студенттер мен оқушылар алдағы уақытта өмірден өз жолын тауып, алған білімдерінің жемісін көреді. Қуанышыма орай, олардың ішінде менің немерелерім де бар, дейді ол.
