Қазақстан медициналық туризмнің алдыңғы қатарлы орталықтарының біріне айналуы тиіс – аудандық аурухана дәрігері Т.Расулметов

Т. Расулметов – Алматыдағы С.Асфендияров атындағы Қазақ ұлттық медицина университетінің түлегі. Ол тағайындау бойынша Аққайың аудандық ауруханасына келіп, алғашқы бір реттік көмек алып, жас маман ретінде қызметтік үйге орналасты.

«Қазақстан халқына Жолдауда денсаулық сақтау, білім беру мен әлеуметтік көмек салаларындағы әлеуметтік пакеттің қайта қаралатыны айтылады. Мен дәрігер ретінде Президент Н.Назарбаевтың саясатымен толық келісемін. Қазақстан медициналық туризмнің алдыңғы қатарлы орталықтарының бірі болуы керек», - дейді дәрігер.

Сонымен қатар, Т.Расулметовтың айтуынша, қазірде ауданда жас мамандарды тарту мен оларды қолдау тұрғысынан көптеген жұмыстар атқарылуда.

«Жұмыс істеуге барлық жағдай жасалған. Күніне 250 адамды қабылдай алатын жаңа емхананың құрылысы жүріп жатыр», - дейді жас маман.