• Басты
  • Қоғамдық денсаулық сақтауды қалыптастыру үшін не істеу керек
19 Шілде, 2018 14:11

Қоғамдық денсаулық сақтауды қалыптастыру үшін не істеу керек

Қоғамдық, бұқаралық салауатты өмір қалпын қалыптастыру үшін бұқаралық спорт шараларын ұйымдастыру қажет, дейді мамандар. Аталмыш мақсат бойынша елімізде бірқатар бұқаралық шаралар жүзеге асырылды. Сондай-ақ, өмір сапасы мен ұзақтығының кепілі саналатын мақсатты шараларды күнделікті әдет-дағдыға айналдыру қажет екен. Толығырақ келесі материалдан оқи аласыздар.

Қоғамдық денсаулық сақтауды қалыптастыру үшін не істеу керек | Strategy2050.kz

ҚР ДСМ Қоғамдық денсаулық сақтау ұлттық орталығы директорының  орынбасары  Ж.Баттақованың айтуынша,  біздің басты мақсатымыз өмір сүру ұзақтығына әсер ету.

«Біз ең үздік дағдыны, табысты тәжірибені қолға алып, тамақтану мәдениетін өзгертуге қатысты ұсыныстардың ғылыми негіздемесін қалыптастырып, адам өмірі мен іс-әрекетінің, аурудың алдын алу шаралары мен денсаулықты нығайту бағытында жұмыс істейміз. Қазақстан Дүниежүзілік денсаулық сақтау ұйымының қолдауымен қоғамдық денсаулық сақтаудың 10 негізгі жедел қызметіне бағалау жүргізді. Ол қадалағау, нормативті реттеу, бағалау, сауықтыру, ауруға қарсы күресу ісінде маман даярлау сияқты шараларды қамтиды», - деп атап өтті Жәмилә Баттақова.

Ол сондай-ақ, аймақтардағы түрлі қызметтердің іс-қимылын реттеу үшін Денсаулық сақтау министрлігі «Сау қала (аймақ)» жобасын әзірлегенін айтты.

«Бұл өмір сүрудің қауіпсіз жағдайларымен, медициналық қызметтің қолжетімділігімен, дене белсенділігі мен спортпен айналысу үшін жағдай жасау, ауа мен суды ластауды азайту шараларымен қамтамасыз етеді.Әр аймақтың сау университет пен мектеп, аурухана, сау тағамдар мен жұмыс орындарының көмегімен адам денсаулығы үшін жағдай жасау  және оның жолындағы кедергілер мен өзекті мәселелерді анықтау өте маңызды. Біздің мақсатымыз жергілікті органдарға барынша көмек көрсету.Ұлттық желі құру мақсатында «Қазақстанның сау қалалары» брендін танытып, оны жүзеге асыру жолдарын  адамдарға жеткізгіміз келеді», - деді Жәмилә Баттақова.

Мысалы, көліктерді азайту есебінен жаяу жүргінші жолын, веложолдарды көбейту қоршаған ортаның ластануын бәсеңдетеді, демек, жоғарғы тыныс жолдары, аллергия, демікпе ауруларының қаупін едәуір сейілтеді.

Автокөлік аз болса, жол-көлік оқиғалары мен жарақаттану, мүгедектік пен өлім де азаяды. Жаяу жүру және дене белсенділігі кезінде денсаулық жақсарады, иммундық жүйе күшейеді, буын, жүрек, өкпе, мұнымен қоса өмірді ұзарту сапасы артады.

Өз кезегінде,   «Қазақстандық медициналық ұйымдардың альянсы» РҚБ басқарма төрағасы Дәулетхан Есімов  өмір сапасы мен ұзақтығының кепілі саналатын мақсатты шараларды біздің әрқайсысымыз күнделікті әдет-дағдыға айналдыру  қажеттігін  айтты.  

«Жалпы, қоғамдық денсаулық сақтаудың қызметі қоршаған ортаны жақсарту арқылы адам денсаулығын нығайтуға, аурулардың алдын алуға, шылым шегу, алкоголь, қант, тұз, майлы тағамдарды шектен тыс тұтыну сияқты жағымсыз факторларды тоқтату шараларына бағытталған. Біздің мақсатымыз – денсаулықты нығайтудың ғаламдық қозғалысына қатысу, сау болашақтың құрамдас бөлігі саналатын дене белсенділігін арттыру», - деді РҚБ-нің басшысы.

Ол азаматтардың өз денсаулығын күтуде сауаттылығын арттыру қажеттілігіне тоқтады. Көптеген елдерде азаматтардың өмірін құтқару дағдысын білу тек медицина мамандары мен парамедиктерге ғана емес, жұмысы адам өмірін құтқару және қорғау қызметімен тығыз байланысты жеке адамдарға, мысалы төтенше жағдай қызметкерлеріне де міндеттеледі.

 Курс бағдарламасынан полиция қызметкерлері, педагогтар, күзетшілер мен қоғамдық көлік жүргізушілері де өтуге міндетті. Өлімді 2-4 есе азайтуда және жүрек талмасынан, жол көлік оқиғаларынан, жазатайым жағдайдан жарақат алып, мүгедек болып қалмас үшін шұғыл түрде алғашқы көмек көрсетудің өмірлік маңызы өлшеусіз.

«Аман-саулық» ҚҚ президенті Бақыт Түменова жұқпалы емес ауру көздерінен болатын қатерлерді төмендету үшін әлемнің жетекші елдерінде қатерлерді азайту жүйесі – зиянды төмендету тұжырымдамасының енгізілгені туралы ақпараттандырды.

«Зиянды төмендету тұжырымдамасы денсаулық сақтау саласындағы мемлекеттік саясаттың негізгі міндеттерін, оның ішінде 2016-2019 жылдарға арналған «Денсаулық» мемлекеттік бағдарламасын іске асырудағы тиімді құралдардың бірі болуы мүмкін,- деді Бақыт Түменова.

 

Аягөз Құрмаш 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды