• Басты
  • «Мәңгілік ел» – біздің ұлттық бірлігіміз, толеранттылық пен алға ұмтылуымыз – Д.Жұмин

«Мәңгілік ел» – біздің ұлттық бірлігіміз, толеранттылық пен алға ұмтылуымыз – Д.Жұмин

18 Қаңтар, 2014 12:30
«Мәңгілік Ел» патриоттық акті – біздің ұлттық бірлігіміз, толеранттылық пен алға ұмтылуымыз, деп мәлімдеді «Қазақстан-2050» жалпыұлттық қозғалысының төрағасы Данат Жұмин ҚР Президенті жанындағы ОКҚ брифингінде.

«Президент «Мәңгілік ел» патриоттық акті туралы айтқанда алдымен біздің құндылықтарымызды назарға алды. Біздің тәуелсіздігімізге 20 жыл. Біз мемлекетімізді басынан бастап құрған елміз. Енді осы жиырма жыл ішінде біз мақтанышпен айта алатын жетістіктерге қол жеткіздік. Белгілі бір құндылықтарымызды қалыптастырдық. Бірінші кезекте – бұл біздің ұлттық бірлігіміз. Толеранттылық пен алға ұмтылуымыз. Бұл «Мәңгілік ел» тұжырымдамасының мазмұны», - деді Д.Жұмин.

«Жалпыұлттық қозғалыстың 2014 жылғы негізгі міндеттемесі «Қазақстан-2050» Стратегиясын түсіндіру. Ол үшін еліміздің өңірлерінде бірқатар конференциялар мен таныстырылымдар сериясын жүргізу жоспарланып отыр. Аталмыш шаралардың барысында Қазақстанның бұдан арғы дамуына қатысты жан-жақты мәселелер айтылады. Сонымен қатар, Қозғалыс 10 шақты түрлі бағыттағы жобаларды іске асырады. Атап айтар болсақ олар білім беру, «жасыл» экономика, ақпаратты технология салаларында», - деді.

Осылармен қатар Қозғалыс Президенттің тапсырмасы «Мәңгілік ел» патриоттық актін дайындаумен айналысады.

Жұминнің айтуынша, алда өте үлкен жұмыстар күтіп тұр. «Президент өз Жолдауында халықтың әлеуметтік аз қамтылған тобын қолдау керектігін баса айтты».

Естеріңізге сала кетейік, 17 қаңтарда Астанада Мемлекет басшысы Қазақстан халқына өзінің жыл сайынғы дәстүрлі «Қазақстандық жол-2050»: Ортақ мақсат, ортақ мүдде, ортақ болашақ» атты Жолдауын жолдаған болатын. Онда мемлекет дамуының негізгі мәселелері айтылған.

 

 

 

 

 

 

 

 

 

 

Барлық жаңалықтар