Жастарға үндеу

Жалпыұлттық қозғалыстың 2014 жылғы міндеттемесі «Қазақстан-2050» Стратегиясының бағыттарын анықтау болады

Жалпыұлттық қозғалыстың 2014 жылғы міндеттемесі «Қазақстан-2050» Стратегиясын түсіндіру болады, деп мәлімдеді «Қазақстан-2050» жалпыұлттық қозғалысының төрағасы Данат Жұмин ҚР Президенті жанындағы ОКҚ брифингінде.
Астана қаласы18 Қаңтар , 12:00

 «Жалпыұлттық қозғалыстың 2014 жылғы негізгі міндеттемесі «Қазақстан-2050» Стратегиясын түсіндіру. Ол үшін еліміздің өңірлерінде бірқатар конференциялар мен таныстырылымдар сериясын жүргізу жоспарланып отыр. Аталмыш шаралардың барысында Қазақстанның бұдан арғы дамуына қатысты жан-жақты мәселелер айтылады. Сонымен қатар, қозғалыс 10 шақты түрлі бағыттағы жобаларды іске асырады. Атап айтар болсақ олар білім беру, «жасыл» экономика, ақпаратты технология салаларында.Мысалға, ауылдық жерлердегі жастарға тұрақты түрде семинарлар өткізу жоспарланған. Және де Қазақстанның әлеуметтік-экономикалық картасы дайындалып, елдің барлық аудан орталықтары көрсетіледі», - деді.

Оның айтуынша, Қозғалыстың құрылымында саяси кеңес пен басты беделді тұлғалары болмақ.

«Бұл желілік ұйымда әр адам ғаламтор арқылы желіде бола алады. Қайда тұрғаның , немен айналысып жатқаның маңызды емес, егер сен өз еліңе сенсең, елің үшін әлдебір қызмет еткің келсе, осы қозғалысқа қосылуыңа кедергі жоқ. Тек Қозғалысқа «қосылу» нүктесін бассаңыз болды», - дейді ол.

Ол атап өткендей, «Қазақстанда өскен ұрпақтың бір бөлігі ғана Тәуелсіз Қазақстанның құндылығын сіңіріп өсті».

«Біз құндылықтар арқасында құрылған негізді жұмылдыруға бірігуіміз қажет. Елде бар бағытты қолданып бизнестің гүлденуіне атсалысу керек. Басқалар да келіп өз кәсібін ашып, жетістікке жетулері үшін», - деді Қозғалыс көшбасшысы.

Айта кетейік, «Қазақстан-2050» жалпыұлттық қозғалысы 2013 жылдың 6 желтоқсанында құрылған болатын. Олардың мақсаты Қазақстанның 30 дамыған елдің қатарына енуін «Қазақстан-2050» Стратегиясының саяси бағытын қолдау арқылы қамтамасыз ету.

 

 




Яндекс.Метрика