• Басты
  • Орталық Азия басшыларына АХҚО таныстырылды
6 Шілде, 2018 15:18

Орталық Азия басшыларына АХҚО таныстырылды

Нұрсұлтан Назарбаев Орталық Азия елдерінің басшыларымен бірге «Астана» халықаралық қаржы орталығын таныстыру рәсіміне қатысты, деп хабарлады Ақорданың баспасөз қызметі.
Орталық Азия басшыларына АХҚО таныстырылды | Strategy2050.kz

Мемлекет басшысы Қырғыз Республикасының Президенті Сооронбай Жээнбековпен, Тәжікстан Республикасының Президенті Эмомали Рахмонмен, Өзбекстан Республикасының Президенті Шавкат Мирзиёевпен бірге «Астана» халықаралық қаржы орталығының ашылуына арналған цифрландыру көрмесін аралап көрді.

Қазақстан Президенті инновациялық қаржы технологияларын дамытуды көздейтін тиімді ортаны қалыптастыру «Астана» халықаралық қаржы орталығы қызметінің бірден-бір маңызды бағыты екенін айтты.

" «Астана» халықаралық қаржы орталығының жұмысына қатысушылар үшін Қазақстанның ғана емес, бүкіл әлемнің капиталы қолжетімді болады. Қаржы орталығында посткеңестік кеңістікте баламасы жоқ, бұрын-соңды болмаған жағдайлар жасалды. Кеше ғана біз салтанатты жағдайда заманауи жоғары технологиялы инфрақұрылымы бар «Астана» халықаралық қаржы орталығы биржасының жұмысын бастадық. Бүгінде оның қызметіне америкалық НАСДАК биржасы және Шанхай қор биржасы қатысып отыр, – деді Нұрсұлтан Назарбаев.

Таныстырылым барысында Қазақстанда инновациялық қаржы технологияларын дамыту мен ілгерілету үшін қолайлы экожүйені қалыптастыруға бағытталған бірқатар жобалар көрсетілді. Соның ішінде, e-Justice (АХҚО цифрлық сот төрелігі жүйесі), цифрлық криптобиржа, криптовалюталар үшін депозитарий, қаржылық супермаркет, киберқауіпсіздік орталығы, ислам қаржы технологиялары, халықаралық стартап бағдарламалары мен басқа да жобалар бар.

«Астана» халықаралық қаржы орталығының басқарушысы Қайрат Келімбетов Орталық Азия елдерінің басшыларына қаржы орталығы қызметінің негізгі қағидаттары және өңірдің қаржы жүйелері үшін жол ашатын мүмкіндіктер жөнінде әңгімелеп, Жібек жолының бойында орналасқан елдердің кәсіпкерлерін қаржы орталығының қызметіне белсенді атсалысуға шақырды.

Сондай-ақ, таныстырылым рәсімінде «Астана» халықаралық қаржы орталығы сотының төрағасы Лорд Гарри Кеннет Вульф және қаржы орталығының басқарушы директоры, үздіксіз кәсіби даму бюросының кураторы Ернұр Рысмағамбетов сөз сөйледі.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды