• Басты
  • Ұлттық нейрохирургия орталығы денсаулық сақтау саласындағы инновациялық жетекші мекемелердің бірі – Мемлекеттік хатшы
5 Шілде, 2018 10:14

Ұлттық нейрохирургия орталығы денсаулық сақтау саласындағы инновациялық жетекші мекемелердің бірі – Мемлекеттік хатшы

Қазақстан Республикасының Мемлекеттік хатшысы Гүлшара Әбдіқалықова Халықаралық нейрохирургиялық форумға қатысты, деп хабарлады Ақорданың баспасөз қызметі.
Ұлттық нейрохирургия орталығы денсаулық сақтау саласындағы инновациялық жетекші мекемелердің бірі – Мемлекеттік хатшы

Форумды ашқан Гүлшара Әбдіқалықова көрнекті нейрохирург, Ресей ғылым академиясының академигі А.Потаповтың 70 жасқа толуына орай жолдаған Қазақстан Президентінің құттықтау хатын оқып берді.

Мемлекеттік хатшы Гүлшара Әбдіқалықова Нұрсұлтан Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты жолдауына сәйкес, Қазақстанның Индустрия 4.0, оның ішінде медицина саласы элементтерін енгізуге кіріскенін айтты.

«Президенттің бастамасымен 2008 жылы негізі қаланған Ұлттық нейрохирургия орталығы денсаулық сақтау саласындағы инновациялық жетекші мекемелердің бірі болып саналады. Бүгінде ол Орталық Азиядағы көш бастаушы клиниканың біріне айналды», – деді Г.Әбдіқалықова.

Ұлттық нейрохирургия орталығында 10 жылдың ішінде 37 мыңнан астам адам ем қабылдады, 25 мыңнан аса ота жасалды, 66 нейрохирургиялық жаңа технология енгізілді. Оның базасында Қазақстанда алғаш рет нейрохирургияның жаңа салалары – микронейрохирургия, эндоваскулярлық, эндоскопиялық және функционалдық нейрохирургия енгізілді.

Соңында Мемлекеттік хатшы форумға қатысушыларға шығармашылық табыс тілеп, Астананың 20 жылдық мерейтойына арналған мерекелік салтанатты іс-шараларға қатысуға шақырды.

Форумға Денсаулық сақтау министрі Е.Біртанов, Астана қаласының әкімі Ә.Исекешев, Парламент депутаттары, әлемнің 20-дан астам елінен келген нейрохирургия саласының жетекші мамандары қатысты.

Іс-шара Астананың 20 жылдығы қарсаңында Ұлттық нейрохирургия орталығының 10 жылдығына орай ұйымдастырылды.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды