• Басты
  • 15-ші ҰБТ-ның нәтижесі қандай
29 Маусым, 2018 11:21

15-ші ҰБТ-ның нәтижесі қандай

Биыл Ұлттық бірыңғай тестілеу 15- мәрте өткізілді. ҰБТ-ның биылғы нәтижесі мен қалай ұйымдастырылғаны туралы ҚР БҒМ Ұлттық тестілеу орталығының директоры Рамазан Әлімқұлов мәлімдеді.

15-ші  ҰБТ-ның нәтижесі қандай | Strategy2050.kz

Биыл ҰБТ 167 бекетте өткен. Оның ішінде 3 бекет коллеждің базасында, 116 бекет мектептің базасында және 48 жоғары оқу орнының базасында орналасқан.

«Жалпы,өтініштердің саны   102 447-ні құрады, оның ішінде  77 224-сі,  яғни   75 пайызы қазақ тілінде,  25 177 орыс тілінде,  46 өтініш ағылшын тілінде түскен», - деді Р.Әлімқұлов.

Ол айтып өткендей, биыл ағылшын тілінде ҰБТ тапсыру мүмкіндігі алғаш  рет  ұсынылып отыр. 

«46 өтініштің ішінен ҰБТ-ны ағылшын тілінде тапсырғандар саны    27-28  адамды құрады,  Астанада  5, Атырауда  7, Шымкентте  6 және т.б  өңірлерде  тапсырды , орташа балл 84,5. Қазақстан бойынша ҰБТ-дағы орташа балл  83,1-ді  құрады. Былтыр бұл көрсеткіш  80 ұпайды құраған еді», - деді ол.

Ол айтып өткендей,  102 447 адамның ішінде  98 698 адам ҰБТ-ға қатысқан.

«Бұл көрсеткіш   96 пайызды құрады. Былтыр  қатысушылардың саны  95 пайызды құраған болатын. Биыл  1 пайызға  өсім бар. Шектеу балды алған түлектер саны  84605 адам, ол  85 пайызды құрады. Ал, шектеу  ұпайды жинай алмағандар саны 14 633 түлекті құрады. Яғни, 14 пайыз. Былтырғы статистикамен салыстырғанда  ол  1 пайызға өсіп отыр», - деді ол.

Сонымен қатар,  ҰБТ-дағы  ең жоғарғы  балды (140)  25 маусымда Қазақ  Ұлттық Аграрлық университетінде тест  тапсырған  алматылық  Шиара Құдайбергенова алды.

Оның айтуынша,   ҰБТ штаттық режимде өтті. ҰБТ қорытындысы бойынша қала, облыс бойынша рейтинг жасалмайды.

«Министрліктің ұстанымы бар. Үкімет отырысында өңірлерде ҰБТ нәтижелері бойынша рейтинг жасап, мектептердің білім беру сапасын анықтауға болмайтыны айтылған болатын», - деді ол.

Аягөз Құрмаш 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды