ЕҰУ-дың даму стратегиясы Н.Назарбаевтың Жолдауына сәйкес жетілдіріліп, түзетілетін болады – Е.Сыдықов

17 Қаңтар, 2014 19:35

«Республикада жыл сайын дәстүрлі түрде педагогикалық институттар дайындалады, енді соны ұйымдасқан түрде құрылымдау керек. Президенттің тапсырмасы бойынша бірнеше арнайы мамандандырылған ірі педагогикалық университеттер құрып, онда ұстаздар әдістемелік дайындықтан өтіп, орта мектеп оқытушылары креативті және инновациялық оқытылуы керек», - деді Е.Сыдықов.

Оның айтуынша, жүйенің өзі мен оқытушыларды дайындау әдістері жетілдіріледі. Өйткені орта мектептердің халі осыны талап етіп отыр.

Өз кезегінде Л.Н.Гумилев атындағы Еуразия Ұлттық Университетінің бағдарламасы Мемлекет басшысының жаңа Жолдаын басшылыққа алатын болады.

«Біздің унверситетіміздің даму стратегиясы Нұрсұлтан Назарбаетың Жолдауына қарай жетілдіріліп, түзетіліп отыратын болады. Атап айтар болсақ университеттің топ-менеджменті қызметіне берілген басымдылық пен ректорат, ғылыми орталықтар қызметі мен технопарк, қанатқақты жобалар назарға алынады. Осының барлығы біздің университетіміздің қызметінің басым бағыттары болады», - деді ЕҰУ ректоры.

Естеріңізге сала кетейік, бүгін, 17 қаңтарда Астанада Мемлекет басшысы ҚР қос палатасының біріккен отырысында жыл сайынғы «Қазақстандық жол - 2050»: Ортақ мақсат, ортақ мүдде, ортақ болашақ» Жолдауын жолдады.

Барлық жаңалықтар