Қызылорда облысының ҚХА өкілдері Мемлекет басшысының Жолдауын талқылады

17 Қаңтар, 2014 20:05

Қызылордада Қорқыт ата атындағы ҚМУ студенттер сарайында облыстық Қазақстан халқы Ассамблеясының отырысы өтті. Онда Мемлекет басшысының «Қазақстандық жол – 2050: Ортақ мақсат, ортақ мүдде, ортақ болашақ» Жолдауы талқыланды.

ҚХА облыстық филиалы хатшылығының меңгерушісі Асылбек Жұмабаев атап өткендей, Жолдау өткен жылғы Жолдауды нақтылап, сондай-ақ, жоғары технологияларды енгізу, инфрақұрылымды дамыту, «жасыл» экономиканы жетілдіру сынды тапсырмалар қойылды.

Жолдау бойынша ғылыми-сараптау тобының өкілдері өз пікірлерін білдірді. «Болашақ» университетінің тәрбие ісі жөнінен проректоры Мұрат Насимов, Қорқыт ата атындағы ҚМУ құқық кафедрасының доценті Мадина Жүсіпбекова, білім беру бөлім бастығының орынбасары Наталья Жұмаділдаева мен «Славане» және «Қазақстанның орыс қоғамы» қоғамдық-мәдени өкілдері өз пікірлерін білдірді. Олардың ойлары бір жерден шықты. Жолдау өмір мен қоғамдағы өзекті мәселелерді қозғайды. Ол туралы «Қазақстандық жол-2050: Ортақ мақсат, ортақ мүдде, ортақ болашақ Жолдауында айтты.

Отырыстың қорытындысы Асылбек Жұмабаев Ассамблеяның өкілдеріне Жолдау бойынша бірқатар тапсырманы орындауға тапсырды.