• Басты
  • ЭКСПО-2017 алаңы технологияның жаңа түрлерін зерттейтін орын болуы керек – Мемлекет басшысы
17 Қаңтар, 2014 17:30

ЭКСПО-2017 алаңы технологияның жаңа түрлерін зерттейтін орын болуы керек – Мемлекет басшысы

ЭКСПО-2017 алаңы технологияның жаңа түрлерін зерттейтін орын болуы керек, деді бүгін Мемлекет басшысы ҚР Парламенті қос палатасының біріккен отырысында.
ЭКСПО-2017 алаңы технологияның жаңа түрлерін зерттейтін орын болуы керек – Мемлекет басшысы

«Астанадағы ЭКСПО-2017 Дүниежүзілік көрмесіне дайындықты болашақтың қуаты мен «жасыл» экономиканы құру мен алдыңғы қатары әлемдік тәжірибені зерттейтін орталық ретінде қолдану керек. Осы көрмеде біз не салсақ та, онда технологияның жаңа түрлерін зерттейтін  жер болуы керек. Назарбаев Университеті жанындағы мамандар тобы аталмыш жұмысқа кірісуі керек», - деді Н.Назарбаев.

Президенттің айтуынша, қоғамдық көлікті экологиялық таза отын қолданатын көліктермен алмастырудың жағдайларын жасау керек, электромобильдерді енгізіп, оларға сай инфрақұрылымды дамыту керек.

«Ең көп көлемде жанармай, дизелді отын, авиациялық керосин өндірісіне сұранысқа ие болып отыр. Бұл жөнсіздік, біз мұнай өндіруші елміз, тез арада жаңа мұнай өңдеу зауытын салуымыз керек», - деді Мемлекет басшысы.

Сонымен қатар, «ядролық энергетиканың болашағы зор екенін де ұмытпауымыз керек» деді ол.

«Арзан атом энергетикасына деген сұраныс алдағы уақытта әлемдік дәрежеде өсе беретін болады. Қазақстан – уран өндірісінің әлемдік көшбасшысы. Біз АЭС үшін жанармай өндірісін дамытып, атом станцияларын салуымыз керек», - деді Н.Назарбаев.

 

Барлық жаңалықтар