• Басты
  • ШЫҰ саммиті аясындағы келісімдердің Қазақстанға берері мол – сарапшы
11 Маусым, 2018 14:46

ШЫҰ саммиті аясындағы келісімдердің Қазақстанға берері мол – сарапшы

Циндаода өткен Шанхай ынтымақтастық ұйымының саммиті ұйым қызметі мен оның одан әрі дамуына серпін береді. Бұл туралы Тұңғыш Президент қоры жанындағы Әлемдік экономика және саясат институтының сарапшысы Жұмабек Сарабеков мәлімдеді. ШЫҰ аясындағы келісімдер Қазақстанға қай салада тиімді болмақ. Толығырақ Strategy2050.kz АА әзірлеген материалдан оқи аласыздар.

ШЫҰ саммиті аясындағы келісімдердің Қазақстанға берері мол – сарапшы | Strategy2050.kz

Сарапшы Ж.Сарабековтың айтуынша, шанхайлық «сегіздіктің» кеңейтілген отырыста жасаған келіссөздері ШЫҰ өзінің қажеттілігін сақтап, Үлкен Еуразиядағы трансконтиненталды  ынтымақтастық алаңы атануы үшін жоғары әлеует жинайтындығының куәсі.  

«ШЫҰ көшбасшылары 17 құжатқа қол қойды. Ол келісімдер  қауіпсіздіктен бастап  экономикалық ынтымақтастыққа дейінгі  негізгі серіктестік бағыттарды қамтиды. Сондай-ақ, саммитке қатысушылар  алдағы  5 жылға арналған  ШЫҰ есірткіге қарсы стратегиясын әзірлеп, 2019-2021 жылдарға терроризмге, сепаратизмге және экстремизмге қарсы тұру барысындағы ынтымақтастығының бағдарламасына қол қойды. Сонымен қатар, ШЫҰ басшылары бизнесте ынтымақтастықты ынталандыру бойынша меморандум түзді», - деді Ж.Сарабеков.

Оның айтуынша, соңғы келісім өзекті болып табылады.

«Бүгінгі таңда барлық бақылаушылар ШЫҰ қызметіндегі экономикалық трек  қауіпсіздік  саласындағы ынтымақтастықтан қалып бара жатыр. Инвестициялық диалог, бірлескен бизнес жобалар сананың аздығы, тиімді тетіктер мен қаржыландырудың  жоқтығы ШЫҰ-ның экономикалық серіктестік платформасы ретіндегі  әлеуетін шектейді», - деді ол.

Сондай-ақ, ШЫҰ-ға Үндістан мен Пәкістанның қосылуы сауда-инвестициялық диалогтың нығаюы мен оны дамытуға жаңа мүмкіндіктер сыйлайды.

«ШЫҰ  мүше елдеріне  Оңтүстік Азия мен Еуропа нарықтарын біріктіруге мүмкіндік туды. Сондай-ақ, транспорттық және энергетикалық дәліздерді «Солтүстік-Оңтүстік» бағытында қосуға мүдделі», - деді Ж.Сарабеков.

Сарапшы айтқандай, Қазақстан Президенті Нұрсұлтан Назарбаев  ШЫҰ саммитінде  сөйлеген сөзі мен ұсыныстары ШЫҰ аясында экономикалық ынтымақтастықты белсенділету мен жаңартуды қарастырады.

«Ұлт көшбасшысы өз әріптестерін ірі инфрақұрылымдық жобаларды қаржыландыру бойынша бірлескен тетіктерді әзірлеуге шақырды. Бұл орайда алғашқы жоба «Бейжің-Астана-Мәскеу-Берлин»  бағытындағы Еуразиялық жоғарыжылдамдықты  теміржол бола алатын еді. Болашақта аталмыш магистраль  ШЫҰ, ЕАЭО мен ЕО-ны біріктіре алады», - деді сарапшы.

Н.Назарбаевтың келесі бастамасы бірлескен заманауи өндірісті дамыту үшін және электронды сауданы кеңейту үшін ортақ платформа құру мақсатымен цифрландыру және жаңа технологиялар саласында тәжірибе алмасу жөніндегі алаң қалыптастыру.

«Қазақстан үшін IT технология мен роботтандыру саласында үздік болып есептелетін  Қытай және  Үндістанмен ынтымақтастық жүргізу  экономикалық жаңғырудың маңызды тетігі болып саналады», - деп түйіндеді ол.

Айта кетейік, 10 маусымда Елбасы Нұрсұлтан Назарбаев Шанхай ынтымақтастық ұйымына мүше мемлекеттер басшылары кеңесінің кеңейтілген құрамдағы отырысына қатысқан болатын.

Аягөз Құрмаш

 

 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды