• Басты
  • Ақтөбе өңірінде дәстүрлі емес діни ағымды ұстанушылар саны үштен бірге азайған
8 Маусым, 2018 12:39

Ақтөбе өңірінде дәстүрлі емес діни ағымды ұстанушылар саны үштен бірге азайған

Ақтөбе облысында Елбасының әлеуметтік-экономикалық тұрақтылықты сақтау, облыс халқының бірлігін нығайту және әл-ауқатын арттыру бойынша тапсырмасын орындау бойынша нысаналы әрі кешенді жұмыстар жүріп жатыр. Соның аясында облысында айдың нда пасөз қызметі. Ақтөбеде облыс әкімі Бердібек Сапарбаев пен Дін істері және азаматтық қоғам министрі Дархан Қалетаевтың қатысуымен діни бірлестіктермен байланыс кеңесінің кеңейтілген отырысы өтті. Толығырақ Strategy2050.kz АА әзірлеген материалдан оқи аласыздар.

Ақтөбе өңірінде  дәстүрлі емес діни ағымды ұстанушылар саны үштен бірге азайған | Strategy2050.kz

Атап өтсек, 2016 жылдан бері ҚР Бас прокуратурасымен бірлесе «Халық қауіпсіздігін қамтамасыз ету» ауқымды жобасы жүзеге асырылуда, соның барысында 530 мың адамды қамтыған 10 мыңға жуық шара өткізілді.

Ақтөбе мен облыстың барлық аудандарында білікті дәрігерлер, әлеуметтік қызметкерлер, психологтар, заңгерлер, теологтар, кәсіпкерлер мен құқыққорғау органдарының өкілдері жұмыс істеді.

Басты назар ауылдық жерлердегі кәсіпкерлікті дамытуға, әлеуметтік қорғау сұрақтарын шешуге, халықты оқытуға және жұмысқа орналастыруға аударылды.

Ауыл тұрғындарымен кездесу кезінде өмір жолын дұрыс таңдауда ойландыратын «Қара жол» толық метражды фильмі мен «Үлкен сұрақ» спектаклі көрсетілді.

«Акцияның мақсаты – мемлекет саясатын түсіндіру, сонымен қатар, халыққа өзекті мәселелерін, соның ішінде әлеуметтік, медициналық сұрақтарды шешуге көмек көрсету, сонымен қатар, жұмысқа орналастыру және материалдық жәрдем беру, азаматтарға өз істерін ашуға қолдау көрсету.  Бұл кездесулер өз нәтижесін берді. Мәселен, өткен жылы тіркелген қылмыстар саны 2016 жылмен салыстырғанда 27 пайызға төмендеген. Ең бастысы, Ақтөбе облысындағы деструктивті діни ағымды ұстанушылар саны үштен бірге азайды,-деді өңір басшысы Бердібек Сапарбаев.

Бұдан басқа, облыс әкімі прокуратурамен өзге де құқыққорғау органдарымен бірге әр ауданның елді мекендеріндегі халықпен кездесу өткізуде.

Қазақстан Іскер әйелдер қауымдастығы облыстық филиалының дін жолындағы әйелдермен жұмыс істеп, оларды жұмысқа орналастыруға айтарлықтай үлес қосуы қоғамдық ұйымдардың үлгілі мысалдары болып табылады. Қауымдастық мүшелері ондаған әйелдерді оқытып, тігін және кондитерлік цехтарға жұмысқа тұрғызып, сондай-ақ оларға өз ісін бастауға көмектесті.

«Негізгі міндет - азаматтардың қауіпсіздігін қамтамасыз ету. Бұл жерде мемлекеттік органдар мен үкіметтік емес ұйымдардың бірлескен жұмысы болуы керек», - деді Бердібек Сапарбаев.

Өз кезегінде, ҚР Дін істері және азаматтық қоғам министрі Дархан Қалетаев  ақтөбеліктерге дін саласындағы мемлекеттік саясаттың негізгі басымдықтарын түсіндіріп, сонымен қатар аймақтағы оң тәжірибені атап өтті.

«Ақтөбе облысы біздің еліміздің экономикасының көшбасшысы болып табылады және Қазақстанның дамуына өз үлесін қосады. Деструктивті діни ағымдарды ұстанушыларын дәстүрлі арнаға қайтару бағытында  олармен жүргізілген түсіндірме жұмыстарының нәтижелері таң қалдырады. Егер осы бағыттағы бірлескен күш-жігерімізді бірге жалғастырсақ, нәтиже тиімді болады», - деді ол.

Министрдің айтуынша, мемлекеттің діни бостандығын қамтамасыз ету саласындағы құқықтық базасы әлемдік демократиялық стандарттарға толықтай сәйкес келеді. Мұны осы бағытта зерттеу, тексеру жүргізетін халықаралық, құқықтық ұйымдар да, сарапшылар да растайды.

Дін істері және азаматтық қоғам министрі заң жобасының нормалары дінді деструктивті мақсаттарға қолдану жағдайларын барынша азайтуға ғана емес, сондай-ақ елде заңды әрекет ететін діни бірлестіктердің қызметін жеңілдету және дінге сенушілердің құқықтарын қорғауға бағытталғанын жеткізді.

Жиын барысында сондай-ақ облыстық мешіт пен православ шіркеуі басшыларының, үкіметтік емес ұйымдар, сондай-ақ көрнекті ғалымдар мен қоғам қайраткерлерінің сындарлы ұсыныстары тыңдалды.

Айта кетейік,  бүгінгі таңда облыс аумағында 91 діни бірлестік жұмыс жасайды. Оның ішінде 67 бірлестік Қазақстан мұсылмандары діни басқармасының филиалы саналады. Сонымен қатар, 8 православилік, 2 католиктік, 13 протестанттық, 1 «Кришна санасы қоғамы» діни ұйымдары бар.

Аягөз Құрмаш

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды