• Басты
  • Қазақстан мен Сингапур мемлекеттік қызметті реформалау тәжірибесімен алмасуда
30 Мамыр, 2018 12:19

Қазақстан мен Сингапур мемлекеттік қызметті реформалау тәжірибесімен алмасуда

Қазақстан Республикасының Мемлекеттік хатшысы Гүлшара Әбдіқалықова Сингапур Ұлттық университетінің профессоры Лим Сионг Гуанмен кездесті, деп хабарлады Ақорданың баспасөз қызметі.
Қазақстан мен Сингапур мемлекеттік қызметті  реформалау  тәжірибесімен алмасуда

Кездесу барысында Гүлшара Әбдіқалықова биыл Қазақстан мен Сингапур арасындағы дипломатиялық қарым-қатынасқа 25 жыл толғанына тоқталып, Елбасының тапсырмасымен елімізді дамыған 30 мемлекеттің қатарына қосуға бағытталған «Қазақстан – 2050» стратегиясының жүзеге асырылып жатқаны, экономиканы, саясатты және қоғамдық сананы қамтитын жүйелі жаңғыру жүргізіліп отырғаны, сондай-ақ мемлекеттік қызмет пен сыбайлас жемқорлыққа қарсы іс-қимыл салаларында ауқымды өзгерістер қолға алынғаны жөнінде айтты.

Мемлекеттік хатшы Сингапурдың әлеуметтік-экономикалық даму ісіндегі тәжірибесінің Қазақстан үшін мәні зор екенін, әсіресе  мемлекеттік қызметті реформалауға, адами ресурстардың сапасын арттыруға және ұлттық экономиканы цифрландыруға қатысты мәселелерді атап өтті.  

«Астанадағы Сіздің семинарларыңыз бізге «меритократияның» сингапурлық  моделінің негіздерін тереңірек түсінуге мүмкіндік береді және Қазақстанның мемлекеттік қызметшілерінің біліктілігін арттыруға септігін тигізеді деп сенемін», – деді Гүлшара Әбдіқалықова.   

Мемлекеттік хатшы «Төртінші өнеркәсіптік революция жағдайындағы дамудың жаңа мүмкіндіктері» атты биылғы Жолдауда адами капиталдың дамуы басымдыққа ие міндеттердің бірі болғанын атап өтіп, Қазақстанда халықаралық деңгейдегі өз университеттеріміз – тәжірибесі еліміздің барлық жоғары оқу орындарында қолданылатын Назарбаев Университеті, Қазақстан-Британ техникалық университеті, Қазақстан менеджмент, экономика және жоспарлау институты және басқа да білім ордаларының ашылғанын айтты.

«Ли Куан Ю мемлекеттік саясат мектебі Қазақстандағы Сингапурдың өзіндік «Education Ambassador» секілді болады және Қазақстан мен Сингапурдың білім беру мекемелері арасындағы серіктестік байланыстарды кеңейтуге ықпал етеді деп үміттенеміз», – деді Мемлекеттік хатшы.

Кездесу соңында Гүлшара Әбдіқалықова профессор Лим Сионг Гуанға зор табыс тілеп, сындарлы ынтымақтастықтың одан әрі жалғаса беретініне ниеттестік білдірді.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды