КО аумағында қазақстандық жүк тасымалы үшін логистикалық қызмет секторын дамыту керек – ҚР Президенті

«Транспорттық инфрақұрылым – біздің индустриялды экономика мен қоғамның негізгі жүйесі болып табылды. Мен әрдайым сапалы, заманауи магистралінсіз дамыған елдің болмайтынын айтамын. Сонымен қатар, Қазақстан үшін жол мен байланыс маңызды рөл атқарады. Оған себеп территорияның үлкендігі мен елдің Еуропа мен Азия, оңтүстік пен солтүстік арасында орын тебуі», - деді Президент.

Мемлекет басшысының айтуынша, «кедендік дайындау мерзімін қысқартып, шекаралас жердегі өткізу мүмкіндіктерін жеңілдетіп, Ақтау порты қуатын арттыру керек және экспорт-импорт операцияларын барынша қарапайым ету керек».

«Логистикалық қызмет секторын дамыту қажет. Бұл біздің еліміздің тауарын тасымалдау үшін Кедендік одақ аумағын барынша тиімді пайдалануымызға керек. «Батыс Еуропа-Батыс Қытай» алпауыт дәліздің құрылысы аяқталуға жақын. Түркменстанға темір жол салынды, енді бұл жол Иран арқылы Парсы шығанағына өтеді. Аталмыш жаңа бағыт біздің тауарлардың өтімділігіне қызмет етеді. Болашақта Қазақстан теңізге шығатын елдерге логистикалық орталық  құруға инвестиция салуы керек», - деді Елбасы.