Мемлекет басшысы оқу орындарының тапшылығы мәселесін жоюды тапсырды
17 Қаңтар, 2014 15:04
Алдағы 3 жылда оқу орындары тапшылығына қатысты түйткілдерді жойып, мұқтаж жерлерде еліміздің барлық мектептерін екі ауысымдық білім беруге көшіру керек, деді Мемлекет басшысы Н. Назарбаев ҚР Парламенті палаталарының отырысында.
«Елде ұлттық білім беру жүйесін дамыту бойынша 2020 жылға қарсы 3-тен 6 жасқа дейінгі балаларды мектепке дейінгі біліммен қамту 100 пайызға жүзеге асырылуы қажет, сондықтан да оларға заманауи технологиялар мен білікті мамандарды жұмылдыру керек», - деді Н. Назарбаев.
Сондай-ақ, ҚР Президенті мектептерде үш кезекті білім беру проблемасын қозғады.
«Жақын арадағы 3 жыл ішінде, яғни 2017 жылға дейін білім беру орындарының тапшылығын қысқарту қажет. Елдің барлық мектептерін 3 кезекті режимнен 2 кезекті тәртіпке міндетті түрде көшіру керек», - деді Н. Назарбаев.
