• Басты
  • Мемлекеттік хатшы Италия елшісімен кездесті
16 Наурыз, 2018 12:51

Мемлекеттік хатшы Италия елшісімен кездесті

Қазақстан Республикасының Мемлекеттік хатшысы Гүлшара Әбдіқалықова Италияның Қазақстандағы Төтенше және өкілетті елшісі Стефано Раваньянмен кездесті, деп хабарлады Ақорданың баспасөз қызметі.
Мемлекеттік хатшы Италия елшісімен кездесті

Кездесу барысында Гүлшара Әбдіқалықова еліміздегі дипломатиялық миссиясын аяқтағалы отырған Италияның Төтенше және өкілетті елшісі С.Раваньянға Қазақстандағы жемісті қызметі үшін алғыс айтып, тілектестік білдірді.

Г.Әбдіқалықова С.Раваньянның дипломатиялық миссиясы кезінде Миландағы «ЭКСПО-2015» көрмесіне қатысу үшін Қазақстан Президентінің Италияға сапары ұйымдастырылғанын атап өтті.

Мемлекеттік хатшы Қазақстан мен Италия арасындағы өзара сенімді қарым-қатынастың 25 жыл ішінде стратегиялық серіктестік деңгейіне көтерілгеніне тоқталды.

«Біз Италиядағы парламент сайлауының барысын зор қызығушылықпен бақылап отырдық. Сайлау нәтижесінде елдеріңізде Парламент пен Үкіметтің жаңа құрамы жасақталатын болады», – деді Мемлекеттік хатшы.

Гүлшара Әбдіқалықова Италияны Еуропадағы қауіпсіздік және ынтымақтастық ұйымындағы қазіргі төрағалығымен және 2017 жылы БҰҰ Қауіпсіздік Кеңесіндегі тұрақты емес мүшелігінің табысты болуымен құттықтады.

Мемлекеттік хатшы Италия басшылығына «ЭКСПО-2017» көрмесіне қатысқаны үшін ризашылық білдіріп, осы елдің павильонында «жасыл технология» саласындағы үздік әзірлемелер ұсынылғанын айтты.

Сондай-ақ, кездесу барысында тараптар Қазақстан-Италия қарым-қатынасының қазіргі жағдайын, саяси, экономикалық және мәдени-гуманитарлық ынтымақтастықтың перспективаларын талқылады.

Италия Қазақстан Республикасының әлемдегі сауда серіктесі саналатын елдердің ішінде үшінші орында тұр. Екі ел арасындағы тауар айналымы 2017 жылы 9,6 миллиард АҚШ долларын құрады. 2005-2017 жылдар аралығында Италияның Қазақстан экономикасына құйған тікелей инвестициясының көлемі 5,8 миллиард долларға жетті. Бүгінде елімізде италиялықтардың қатысумен 228 бірлескен кәсіпорын жұмыс істейді.

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды