Жолдау-2014 Президенттің Қазақстан халқына Жолдауларының 18-іншісі

17 Қаңтар, 2014 20:40

Бүгін, 17 қаңтарда, Астанада ҚР Парламентінің қос палатасының біріккен отырысында Мемлекет басшысы Нұрсұлтан Назарбаев жыл сайынғы Қазақстан халқына Жолдауы «Қазақстандық жол – 2050: Ортақ мақсат, ортақ мүдде, ортақ болашақ» атты Жолдауын жолдады.

2014 жылы Президент Жолдауын алғаш рет Тәуелсіздік Сарайында жолдады. 1997 жылдан бері 2014 Жолдауы Презиенттің Қазақстан халқына стратегилық Жолдауларының 18-іншісі болды.

Қазақстан Президенті – өз Жолдауын қос тілде айтатын әлемдегі жалғыз Көшбасшы. Ғаламтордың іздеу жүйелері «Қазақстан Президентінің Жолдауы» сұранысына үш тілде 20 миллионнан астам сілтеме тауып береді.

2014 Жолдауында Үкімет пен мемлекеттік органдарға 15 нақты тапсырма берілген. Сонымен қатар, Нұрсұлтан Назарбаев 80-нен астам инновациялық идеяларды атады.

Президенттің «Қазақстандық жол – 2050: Ортақ мақсат, ортақ мүдде, ортақ болашақ» Жолдауы 3 842 сөзден тұрады. «Қазақстан» және «қазақстандықтар», «инновация» және «инновациялық» сөздері Жолдауда 50-ден астам рет кездеседі. «Экономика» Жолдауда 17 рет айтылса,«білім» 8, «әлеуметтік» 10 рет айтылған. «Сапа» және «сапалы» сөздері Жолдауда 10 реттен астам рет аталып, «құру» және «құрылым» сөздері 20-дан астам рет айтылған.

Айта кету керек, 2013 жылдың 10 қыркүйегінде Прездент Жолдауының арнайы мамандандырылған сайты www.strategy2050 ашылған болатын.