• Басты
  • Алматыда «Reforms in Kazakhstan: An analytical View» атты кітаптың таныстырылымы өтті
3 Наурыз, 2018 14:59

Алматыда «Reforms in Kazakhstan: An analytical View» атты кітаптың таныстырылымы өтті

Қазақстан Республикасының Мемлекеттік хатшысы Гүлшара Әбдіқалықова «Reforms in Kazakhstan: An analytical View» атты кітаптың таныстырылымына қатысты, деп хабарлады Ақорданың баспасөз қызметі.
Алматыда «Reforms in Kazakhstan: An analytical View» атты кітаптың таныстырылымы өтті

 «Reforms in Kazakhstan: An analytical View» атты кітаптың авторы – Қазақстанның белгілі мемлекет және қоғам қайраткері, жоғары мектеп пен ғылым ісінің көрнекті ұйымдастырушысы, экономист ғалым Кенжеғали Әбенұлы Сағадиев.

Іс-шараға мемлекеттік органдардың, ғылыми және шығармашылық қоғамдастықтың, бизнес ортаның өкілдері, жоғары оқу орындарының ректорлары, сонымен қатар профессорлық-оқытушылық құрам және еліміздің студенттер қауымы қатысты.

Мемлекеттік хатшы құттықтау сөзінде Елбасы Нұрсұлтан Назарбаевтың стратегиялық бағдарының маңызды басымдығының бірі – отандық ғылымды дамыту екенін атап өтті. Мемлекет басшысы бүкіл Тәуелсіздік дәуірі бойы ғылымға және ғалымдарға әрдайым қамқорлық жасап, елдегі академиялық және қолданбалы зерттеулерге жан-жақты қолдау көрсетіп келеді.

Тәуелсіздік жылдары ғылыми қызметті басқарудың жаңа моделі, ғылымды қаржыландырудың заманауи тетіктері енгізілді. Мәселен, 2016 жылы 23 мың ғалым және 383 мекеме ғылыми зерттеу жұмыстарымен айналысты. Жалпы, бұл салаға 38 миллиард теңге жұмсалған.

Гүлшара Әбдіқалықова бұл монография тәуелсіздік жылдарындағы Қазақстан экономикасындағы маңызды мәселелерді талдауға арналғанын, сондай-ақ онда қоғамымызды дамытудың түрлі аспектілеріне қатысты автордың пікірі берілгенін атап өтті. Бұл еңбек Мемлекет басшысы ұсынған әрі бүкіл әлем үшін хрестоматияға айналған Қазақстан жолын ой елегінен өткізуге арналған.

Кітап тек біздің елде ғана емес, шет елдерде де кеңінен талқыланып, лайықты бағасын алды. Мәселен, Кембридж университетінің профессоры Сидхарт Саксен бұл еңбектің посткеңестік кеңістіктегі реформалар жөнінде нұсқаулыққа айналғанын атап өткен. Ал Мәскеу мемлекеттік университетінің профессоры Александр Бузгалиннің ойынша, бұл басылым – барлық мемлекеттер өз тәуелсіздігінің бастапқы жылдарында тап болған жаһандық сын-қатерлерді еңсеру ережелерінің өзіндік бір жиынтығы.

Іс-шара соңында Мемлекеттік хатшы Г.Н.Әбдіқалықова академик К.Ә.Сағадиевке мықты денсаулық, бақ-береке, жаңа шығармашылық табыстар тіледі.

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды