Қазақстанның мемлекеттік секторында жалақы мен әлеуметтік жәрдемақы көлемі өседі - Мемлекет басшысы
17 Қаңтар, 2014 13:40
Қазақстанда азаматтық қызметкерлердің жалақысы мен жәрдемақы көлемі өседі, деді ел Президенті Нұрсұлтан Назарбаев жыл сайынғы Қазақстан халқына арналған Жолдауында.
«Үкіметке азаматтық қызметкерлердің еңбегін өтеудің жаңа моделін әзірлеп, 2015 жылдың 1 шілдесінен бастап енгізуді тапсырамын. Ол денсаулық сақтау қызметкерлерінің жалақысын - 28 пайызға дейін, білім саласы қызметкерлерінің жалақысын 29 пайызға дейін, әлеуметтік қорғау қызметкерлерінің жалақысын 40 пайызға дейін арттыруды қамтамасыз етеді», - деп атап өтті Нұрсұлтан Назарбаев.
Сондай-ақ, Мемлекет басшысы Үкіметке 2015 жылдың 1 шілдесінен мүгедектік пен асыраушысынан айырылуға байланысты берілетін әлеуметтік жәрдемақыны 25 пайызға арттыруды тапсырды.
