• Басты
  • «Нұрлы жер» бағдарламасы бойынша аймақтарда 100 мыңнан астам пәтер пайдалануға берілді
17 Қаңтар, 2018 14:32

«Нұрлы жер» бағдарламасы бойынша аймақтарда 100 мыңнан астам пәтер пайдалануға берілді

Қазақстанда 2017 жылы «Нұрлы жер» бағдарламасы арқылы 11,2 млн. шаршы метр тұрғын үй пайдалануға берілді, деп хабарлады Қазақстанның Инвестициялар мен даму министрлігі.
«Нұрлы жер» бағдарламасы бойынша аймақтарда 100 мыңнан астам пәтер пайдалануға берілді

«Нұрлы жер» бағдарламасы басталған 1 жылда Елбасы ұсынған жоба арқылы 100 мың 812 баспана пайдалануға берілді. Оның 72 мың 904-і көпқабатты, ал қалған 27 мың 908-і жеке үйлер. Өңірлерде баспананы қолданысқа беру бойынша 42,4 пайызбен Батыс Қазақстан, 36,2 пайызбен Оңтүстік және Қостанай облысы 35,6 пайызбен алда келеді.

«Бағдарламаның бірінші бағыты бойынша, өңірлерде сатып алу құқығынсыз жалға берілетін жалпы алаңы 288 мың  шаршы метр  болатын тұрғын үйлердің құрылысы жүріп жатыр. Бұл шамамен 5376 пәтер. Өткен жылдың 12 айында халықтың әлеуметтік әлсіз топтарына 2620 баспана берілген.  Жоспар бойынша аталған жұмыстар 2019-шы жылға дейін аяқталады. Бұл ретте республикалық бюджеттен  25 млрд. теңге бөлініп отыр», - деп түсіндірді ведомствода.

Сонымен қатар, «Нұрлы жер» бағдарламасы аясында тұрғын үй құрылысы жүріп жатқан аудандарға, соның ішінде жеке тұрғын үй салынып жатқан жерлерге инженерлік коммуникация тарту шаралары да атқарылуда. Қазіргі уақытта 70,3 мың учаскеде желі тарту жұмыстары жүргізіліп жатыр.

ҚР ИДМ хабарлағандай, бағдарламаның үшінші бағыты аясында, яғни,  кредиттік тұрғын үй құрылысы бойынша елімізде 16 мың 217 пәтер қолданысқа берілді.

Ал, жеке құрылыс салушыларды ынталандыру үшін екінші деңгейлі банктер оларға 2017-2018 жылдары 152 млрд. теңге займ береді. Бұл сомаға жеке құрылыс салушылар 600 мың ш.м тұрғын үй салулары керек.

Ипотекалық несие берудің қолжетімділігін жоғарылату мақсатында «Нұрлы жер» бағдарламасы арқылы 120 млрд. теңгеге 8 мың займ беру жоспарланған. 2017 жылы  жалпы сомасы 13,4 млрд. теңге болатын 1,3 мың займ берілген. Ал биылғы мақсат -  жалпы сомасы 106,6 млрд. теңге болатын 6,7 мың займ беру.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды