АҚШ Президенті Нұрсұлтан Назарбаевпен өтетін кездесу туралы хабарлады

АҚШ Президенті Дональд Трамптың Facebook-тағы ресми парақшасында 16 қаңтарға арналған жұмыс кестесі жарияланды.

«Қазақстан Президенті Нұрсұлтан Назарбаевпен кездесу.                                                                                                                                                                                                                              Президент Нұрсұлтан Назарбаевпен бірлескен баспасөз мәлімдемелері.                                                                                                                                                                                                      Президент Нұрсұлтан Назарбаевпен жұмыс түскі асы», - деп хабарланды америкалық президенттің ресми парақшасында.

Естеріңізге сала кетейік, Нұрсұлтан Назарбаев 16 қаңтарда  Вашингтон қаласына ресми сапармен  келді. Бүгін Ақ үйде Қазақстан мен АҚШ басшыларының кездесуі өтуі тиіс.

Президенттер аймақтық қауіпсіздіқ пен экономикалық ынтымақтастық мәселелері бойынша стратегиялық серіктестікті кеңейту және нығайту жолдарын, сонымен қатар, Қазақстанның бірқатар халықаралық мәселелердегі көшбасшылығын, атап айтқанда Ауғанстан мәселесі бойынша көшбастауын талқылайды.

Бұдан басқа, Қазақстан Президенті БҰҰ Қауіпсіздік Кеңесінің отырысына қатысады.