• Басты
  • 2018 жылы Қазақстанда 220 мың жаңа жұмыс орны ашылады - Еңбек министрі
16 Қаңтар, 2018 11:34

2018 жылы Қазақстанда 220 мың жаңа жұмыс орны ашылады - Еңбек министрі

2018 жылы жұмыспен қамту әлеуетіне сай 743 мың жұмыс орны анықталды, олардың 220 мыңы жаңа жұмыс орындары. Бұл туралы бүгін Үкімет отырысында ҚР Еңбек және халықты әлеуметтік қорғау министрі Тамара Дүйсенова мәлімдеді.
2018 жылы Қазақстанда 220 мың жаңа жұмыс орны ашылады - Еңбек министрі | Strategy2050.kz

Министрдің сөзіне сүйенсек, нәтижелі жұмыспен қамту бағдарламасы бойынша 2017 жылы 527 мың адам жұмыспен қамтылды, оның ішінде 136 мыңы бейресми түрде өзін-өзі жұмыспен қамтыған азаматтар, олардың мәртебесі үй-үйді аралау кезінде анықталды.  Өткен жылы азаматтардың мәртебесін анықтау және өзін-өзі жұмыспен қамтығандарды ресми рәсімдеу кезінде 5,7 млн. адам анықталған болатын. Орталық мемлекеттік органдармен бірлескен жұмыс нәтижесінде шамамен 3 млн. адамның мәртебесі бір жылдан кем уақытта рәсімделді және бүгінгі күнде 2,7 млн. адамның мәртебесі анықталмай отыр.

«2,7 млн. азаматтың мәртебесі жоқ, 1,14 млн-ы бейресми жұмыспен қамтылғандар, оларды рәсімдеу үшін тиісті заңнамалық өзгерістер қажет. Өзін-өзі жұмыспен қамтыған және жұмыссыз жүрген 1,55 млн адам нәтижелі жұмыспен қамтуға қатысуы қажет»,- деп атап өтті Үкімет отырысында Тамара Дүйсенова.

Ведомство басшысының айтуынша, еңбек қызметін ынталандыруды есепке ала отырып, жұмыспен қамту саласын цифрландыру және әлеуметтік кепілдіктерді ұсынуды қоса алғанда, бірқатар кешенді шаралар әзірленді. Бұл нәтижелі жұмыспен қамту бағдарламасымен бірге жүргізілетін болады. Негізгі міндет – 2,7 млн. адамды  емес, 1,5 млн адамды жұмыспен қамтудың белсенді шараларына қатыстыру.

«Нәтижелі жұмыспен қамтуды қолдау мақсатында өз бетінше жұмыспен қамтылғандарды және жұмыспен қамтуды жандандырудың жоспарларын қалыптастыру үшін аймақтар жол картасын бекітті. 2018 жылы жұмыспен қамту әлеуетіне сай 743 мың жұмыс орны анықталды, олардың 220 мыңы жаңа жұмыс орындары», - деді министр. 

Олардың әлеуметтік сипаты төмендегі санаттар бойынша: 52% жұмыссыздар, 48% өзін-өзі жұмыспен қамтығандар, гендерлік аспектіде, яғни 48% әйел адамдар, аз қамтылғандар 22% және жастар  30%-ды құрап отыр.

«Сонымен бірге, жобаларды іске асыру кезінде кез-келген елді мекендерде жұмыспен қамту мониторингі біз жасаған, нақты уақыт режимінде жұмыс істейтін электрондық карта негізінде жүзеге асырылатын болады», - деп өз сөзін қорытындылады министр Т. Дүйсенова.

 

 

 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды