Ә. Исекешев мұғалімдердің жалақысын 30%-ға көтеруді тапсырды
«ҚР Президентінің биылғы жолдауы ерекше сипатқа ие. Цифрландыру, сандық технологияларды барлық салаға ендіру оның басты бағыты болып табылады. Президент өз жолдауында қазақстандық индустрияны, көліктік-логистикалық инфрақұрылымды жаңғырту мен цифрландыруға, әлеуметтік саланы дамытуға басымдық берді. Мемлекеттік органдардың жұмысы біздің алдымызға қойылған негізгі 10 міндетті орындауға бағытталуы тиіс», - деп атап өтті қала әкімі Әсет Исекешов, деп елорда әкімдігінен хабарлады.
Қала активі жиналасы барысында шаһар басшысы Әсет Исекешев басқарма басшылары мен жергілікті атқару билігінің өкілдеріне тұрғын үй-коммуналдық инфрақұрылымды жаңғырту кезінде тиісті МЖӘ механизмін әзірлеуге, мұғалімдер жалақысын 2018 жылдың 1 қаңтарынан бастап 30%-ға көтеруге, математика және жаратылыстану ғылымдарын оқыту сапасын арттыруға, қанатқақты жоба іске асқаннан кейін электронды денсаулық паспортын енгізуге қатысты бірқатар нақты тапсырма берді.
Ал, «Цеснабанк» АҚ басқармасы төрағасының орынбасары Марат Джаукенов Елбасы Жолдауында көрсетілген банк секторы алдындағы тапсырмаларды орындаудың негізгі жолдарын атап өтті.
Сонымен қатар, басқосуда адами капиталды дамыту, цифрлық білім беру ресурстарын дамыту, математика және жаратылыстану ғылымдарын оқыту сапасын күшейту, латын қарпіне көшу, МЖӘ аясындағы «Сергек» сияқты жобаларды жүзеге асыру жөніндегі тапсырмаларды орындаудың барысы тілге тиек болды.
