• Басты
  • Қазақстандықтардың 71,3%-ы ҚР Президентінің Жолдауымен танысты
15 Қаңтар, 2018 15:47

Қазақстандықтардың 71,3%-ы ҚР Президентінің Жолдауымен танысты

Қазақстандықтардың 71,3%-ы ҚР Президентінің Жолдауымен танысты. Бұл туралы Нұр Отан» партиясының Саяси талдау және стратегиялық зерттеулер орталығының (СТСЗО) директоры Юлия Кучинская Қазақстан халқының әлеуметтік көңіл-күйі тақырыбында жүргізілген өлшеулерді қорытындылауға арналған баспасөз конференциясында хабарлады.
Қазақстандықтардың 71,3%-ы ҚР Президентінің Жолдауымен танысты

СТСЗО директоры атап өткендей, аталған зерттеудің өзектілігі, ол елде өткізіліп жатқан Үшінші жаңғыру бағытында жетістікке қол жеткізу және Президенттің «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына жолдауын жүзеге асыру жолында қоғамдық сананың жай-күйінің маңыздылығына негізделген.

 «СТСЗО-ның блиц-сұрауына сәйкес, халықтың 71,3% Президенттің Жолдауы туралы хабардар. Ендігі міндет – Жолдаудың мазмұнын барынша толық ашып, халыққа жеткізу болмақ. Бұл орайда әлеуметтің көңіл-күйін түсіну маңызды», - деді  Юлия Кучинская.

Ол атап өткендей, Қазақстанда Үшінші жаңғыртуды жүргізудегі Елбасының саяси бағытын жүзеге асыруы үшін керекті қолайлы әлеуметтік алғышарттар бар.

«Елдегі саяси жағдай бағасының индексі (72,5) Президенттің жаңа Жолдаудағы азаматтық бейбітшілік, ұлтаралық және конфессияаралық келісім «біздің басты құндылықтарымыз ретінде қала беретіні» туралы тұжырымымен керемет үйлесіп тұр», -деді Юлия Кучинская.

Сонымен қатар, спикер атап өткендей, тұрғындардың ең өткір мәселелері үштігін материалдық проблемалар – азық-түлік пен бірінші қажеттіліктегі тауарлар бағаларының өсуі (67,9%), табыстың төмендігі (30%) және коммуналдық қызметтің жоғары тарифтері (26,5%) бастайды. Бұл проблемалар тұрғындар үшін ең жанға бататындары болып табылады.

Бұдан басқа ол атап өткендей, 2017 жылдың ағымында Қазақстан халқының әлеуметтік жағдайы жалпы алғанда жақсы деген көрсеткішке ие болдды.

«Өткен жылдың төртінші тоқсанында 86,2% тұрғынның көңіл-күйі жақсы, 9% бойында бір кернеу сезінеді және 2,9%-ы ғана респонденттер үрей немесе қорқыныш күйін сезінеді. Сауалнамаға қатысушылардың пікірі бойынша, соңғы үш ай ішінде олардың өмірінде жағымсыз оқиғадан гөрі, жағымды оқиғалар 5,2 есеге артқан. Бұл қоғамдық көңіл-күйдің жалпы көрінісін береді», - деді Юлия Кучинская.

Сөз соңында ол елде өзгерістер қажеттігін бағалау кезінде қандайй көрініс бой көрсететітін хабарлады. «Кең ауқымды өзгерістер» керектігі туралы пікірді сұралғандардың 40,4%-ы қолдайды, шамамен осыншалықты сұралғандар (37,2%) өзгерістер керек, тек ол азын-аулақ болуы керек деп есептейді. Сонымен қатар, бәрі бұрынғысынша қала берсін, ешқандай өзгеріс керегі жоқ деп санайтындар да бар (олардың үлесі 8,9%).

«Жұрттың қалың бұқарасының санасындағы мұндай өзіндік діңгек ахуалын өзгертіп, оны жаңғыру үдерісін жай бақылаушыдан белсенді қолдаушылар жағына өткізу керек. Қоғамдық сана мен әлеуметтік көңіл-күйдегі аталмыш ахуал Президенттің жаңа Жолдауына ақпараттық-түсіндіру жұмыстарын жүргізу кезінде ескерілуі тиіс», -деп түйіндеді спикер.

Қайрат Жандыбаев

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды