Қазақстан геологиялық барлау саласында әлемдік нарыққа шығуы тиіс - Н. Назарбаев

«Инновациялық индустриялизациялаудың трендін күшейту мен түзету маңызды. Біз экономиканың дәстүрлі өндіруші саласының тиімділігін арттыруымыз керек. Бұл біздің нағыз бәсекеге қабілетті артықшылығымыз. Біз тау-металлургия және мұнай-газ секторының экспорттық әлеуетін сақтай отырып көмірсутекті өндіру мен қайта өңдеу, басқару бойынша жаңа әдістерді дайындауымыз керек», - деді Н. Назарбаев.

Ел Президенті атап өткендей, Қазақстан геологиялық барлау саласында әлемдік нарыққа шығуы тиіс

«Біздің жерлеріміз толығымен, дұрыс барланбаған. Қазақстанның жер қойнауындағы байлық қоры қазіргіден бірнеше есеге артық. Осы салаға біздің заңнаманы жеңілдетіп, шетелдік инжиниригтік компаниялардың инвестицияларын тарту керек. Дәстүрлі салалар бойынша, бізде оларды дамытудың жеке жоспарлары болуы тиіс. Әрбір бес жылдықтың нақты нәтижелері бойынша жаңа экономика салалары пайды болуы керек.

Оның айтуынша, индустрияландырудың алғашқы бес жылдығының аясында автокөлік және авиақұрылыстар, тепловоздар, жолаушылар жүк вагондарының өндірісі ашылды.

«Оларды кеңейтіп, сыртқы нарықтарға шығару керек. Екінші және келесі бес жылдықтар аясында мобильді мультимедиялық, нано-ғарыш технологиялары, робот техникасы, тектік инженерия, жаңа қуат көздерін ашу салаларының негізін қалау керек», - деп атап өтті Мемлекет басшысы.