12 Қаңтар, 2018 09:52

ОҚО-да екі оңалту орталығы ашылды

Оңтүстік Қазақстан облысында балаларға арналған екі бірдей неврологиялық оңалту орталығы ашылды, деп хабарлады ОҚО әкімінің баспасөз қызметі.

Мұндай мекеме бүгінге дейін еліміз бойынша тек Астана қаласында ғана болып келсе, енді Шымкентте де жұмысын бастады. Бұған әсіресе кезекте тұрып, елордаға сабылып шаршайтын ата-аналар айрықша қуануда. Қос орталықтың жұмысымен танысқан Оңтүстік Қазақстан облысының әкімі Жансейіт Түймебаев мұндай мекемелер балалар арасындағы мүгедектікті төмендететініне сенім білдірді.

«Облысымызда бүгінге дейін церебральді параличі диагнозы бар балаларды емдейтін арнайы мекеме болмаған. Жалпы өңірімізде неврологиялық аурулармен 3 жасқа дейінгі 2 мыңға жуық бала есепте тұрады. Олар бұған дейін реабилитациялық ем алу үшін Астана қаласындағы оңалту орталығына баруға мәжбүр еді. Бұл науқас балалардың ата-аналарына айтарлықтай қиындық тудырып келді. Осы мәселелерді талдай келе, ауру балаларды уақытылы, кешенді, жүйелі реабилитациямен толық қамтуға бағытталған орталықтар ашу қажеттілігі туындады. Жүйелі жұмыстардың нәтижесінде бүгін міне, екі бірдей мекеме пайдалануға беріліп отыр», - деді Жансейіт Қансейітұлы.

Орталықтың бірі 3 жасқа дейінгі бүлдіршіндерге, ал екіншісі 15 жасқа дейінгі неврологиялык аурулармен ауыратын жеткіншектерді емдейді. 100 орындық қос орталық та реабилитациялық ем алуға қажетті роботтандырылған «LOKOSTATION» құрылғысымен жабдықталған. Бұл аппарат 4 жасар церебралды параличімен ауыратын балаларға қолданылады. Қондырғыда жасалған жаттығулар жүруге қажетті барлық бұлшық еттер мен ми қыртысының дұрыс қалыптасуына көмектесіп, науқастың тез оңалуына ықпал жасайды. Әрбір орталықта жылына 3200 баланы жоспарлы түрде оңалтудан өткізуге мүмкіндік қарастырылған.

Қос орталықтың мүмкіндіктерімен танысқан өңір басшысы алдағы уақытта мекеменің мамандарын алыс-жақын шет елдерге жіберіп, кәсіби біліктілігін арттыру жоспарланып отырғанын жеткізді. Осы бастаманың негізінде жақын күндері Германиядан халықаралық жаттықтырушылар келіп, қос орталықтың мамандарына науқастың тірек-қимыл қозғалысын қалпына келтіру бойынша семинар тренингтер өткізбек.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды