Қазақстанның әрбір азаматы Жолдауды іске асырудың кепіліне айналуы керек - Мырзатай Жолдасбеков

10 Қаңтар, 2018 15:06

Қазақстанның әрбір азаматы 2018 жылға арналған ҚР Президенті Нұрсұлтан Назарбаевтың халыққа Жолдауын іске асырудың кепіліне айналуы керек. Бұл туралы ҚР Мәдениет және спорт министрлігі қоғамдық кеңесінің төрағасы Мырзатай Жолдасбеков аталмыш кеңестің кеңейтілген отырысында хабарлады.

«Жарияланған Жолдауда Мемлекет басшысы Нұрсұлтан Назарбаевтың «Қазақстан 2050» стратегиясын жүзеге асырудың нақты жолдары көрсетілген. Ол әлемде жүріп жатқан төртінші өнеркәсіптік революцияға арналып отыр. Біз әлемде жүріп жатқан төртінші өнеркәсіптік революциядан қалыс қалып қалмауымыз керек. Тағы бір мәселе әлеуметтік мәселе, мәселен халықтың зейнетақысы. Сонымен қатар, білім саласына да ерекше дең қойылып отыр. Егер осыған дейін білімді дамыту керек десек, енді қазақстандық білім негізін қалыптастыруымыз керек деп отырмыз», - деді сөз басында М.Жолдасбек

Сонымен қатар, кеңес төрағасы Жолдауда көтерілген өзгеде мәселелерге тоқталды.

«Жолдауда латын әліпбиі мәселесі де көтеріліп, 2025 жылға дейін латын әліпбиіне көшу бойынша нақты кесте жасалсын деп тапсырма берілді», - деді ол.

Спикердің пайымынша, Жолдаудағы мәселе бұған дейінде айтылып келген.

«Меселен, «Қазақстан-2050», 100 қадам - ұлт жоспарында да осы Жолдауда атап көрсетілген мәселелер көтерілген. Айтайын дегенім , Елбасы осылайша халқымыз үшін маңызды мәселелерді пысықтап отыр. Біз осы құжатты санамызға, ақылымызға сіңіруіміз керек. Қазақстанның әрбір азаматы осы құжатты іске асырудың кепіліне айналуы керек», - деп түйіндеді Мырзатай Жолдасбек.

Естеріңізге сала кетейік, 10 қаңтарда Мемлекет басшысы Нұрсұлтан Назарбаевтың Қазақстан халқына жолдауы жарияланды. Жолдауда Президент 2018 жылы Қазақстанда жүзеге асыру керек негізгі он міндетті атады.

Мөлдір Асқарқызы

Барлық жаңалықтар