Әлеуметтік саланың бюджет шығыны 12%-ға ұлғайтылады – Нұрсұлтан Назарбаев

Елбасы атап өткендей,  2016-2017 жылдары әлеуметтік төлемдер үш рет көтерілді. 2018 жылы да бұл үрдіс өз жалғасын табатын болады.

«Оның ішінде, базалық зейнетақы – 29 пайыз, ортақ зейнетақы-32 пайызға,  денсаулық сақтау қызметкерлерінің жалақысы 28 пайызға,  білім беру  саласы 29 пайызға, мемлекеттік қызметкерлердікі  30 пайызға көбейді», - деді Елбасы.

Сондай-ақ,  биыл  әлеуметтік саланың шығыны 12%-ға ұлғайтылып,  4 триллион теңгеден асып жығылады. Базалық зейнетақы еңбек өтілі ескеріле келе орташа есеппен 1,8 есе ұлғайтылады.

Ал, арнайы оқу құрамы бағдарламасы бойынша біліктілігін жетілдірген мұғалімдердің жалақысы санатына қарай 30 дан 50%-ға дейін көбейтіледі.

Айта кетейік,  ҚР Президенті  Нұрсұлтан Назарбаев  2018 жылға арналған   Қазақстан халықына Жолдау 10 қаңтарда барлық баспасөз беттерінде жарияланатынын хабарлады. Қазақстан халқына Жоладауында негізгі 10 міндет  көрсетілген.

Мөлдір Асқарқызы