• Басты
  • 2018 жылға арналған Жолдау 10 қаңтарда барлық баспасөз беттерінде жарияланады – Нұрсұлтан Назарбаев
9 Қаңтар, 2018 19:08

2018 жылға арналған Жолдау 10 қаңтарда барлық баспасөз беттерінде жарияланады – Нұрсұлтан Назарбаев

2018 жылға арналған Қазақстан халықына Жолдау 10 қаңтарда барлық баспасөз беттерінде жарияланады. Бұл туралы Қазақстан Республикасының Президенті Нұрсұлтан Назарбаев республикалық арналардан хабарлады.
2018 жылға арналған Жолдау  10 қаңтарда барлық баспасөз беттерінде жарияланады – Нұрсұлтан Назарбаев

«Қазақстан әлемдегі түрлі сынақтарға төтеп беріп, қарқынды экономикалық даму жолына бет алды.  Еліміздің 2050-ші жылға дейінгі ұзақ мерзімді Даму стратегиясы жүзеге асырылуда.Жүз нақты қадам Ұлт жоспары аясында біз реформаларды жүргізіп келеміз.Индустрияландыру саласын өркендету үшін жүйелі жұмыстар атқарылуда.Біз конституциялық реформаны жүзеге асырып, еліміздің Үшінші жаңғыруын бастадық.Рухани жаңғыру бағыты бойынша кешенді іс-шаралар жүргізілуде. «Цифрлық Қазақстан» бағдарламасы қабылданды», - деді сөз басында ҚР Президенті.

Сонымен қатар, Мемлекет басшысы адамзат жаңа өндірістік төңкеріс дәуіріне аяқ басып жатқанына тоқталды.

«Заманауи технологиялар әлемді өзгертуде.  Жаһандық технологиялық  өзгерістер өзімен бірге жаңа белестер мен өсімнің жаңа мүмкіндіктерін алып келеді. Бұл біздің әлемнің дамыған 30 елінің қатарына енудегі тарихи мүмкіндігіміз», - деді Мемлекет басшысы.

 ҚР Президентінің айтуынша, ертең, 10 қаңтарда Қазақстан халқына арналған жыл сайынғы  Жолдау жарияланады.  Ол Төртінші өнеркәсіптік төңкеріс жағдайында елімізді дамытуға арналған.

Естеріңізге сала кетейік, Қазақстан Президенті Нұрсұлтан Назарбаевтың 2017 жылға арналған  халыққа Жолдауы «Қазақстанның үшінші жаңғыруы: жаһандық бәсекеге қабілеттілік» тақырыбымен өткен жылдың 31 қаңтарында жарияланды. Өткен жылдың Қазақстан халқына арналған Жолдауы еліміздің экономикасын  жаңғыртуға және өнеркәсіпті цифрландыруға бағытталды.

Атап өтер болсақ,  2017 жылға арналған Мемлекет басшысының халыққа Жолдауы алғаш рет баспасөз бетіне жарияланды.

Ал, Мемлекет басшысының алғашқы халыққа Жолдауы 1997 жылы 16 қазанда жарияланды. Ол еліміздің қауіпсіздігін нығайтып, барша қазақстандықтардың әл-ауқатын арттыруға бағытталды.

Мөлдір Асқарқызы 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды