Қазақстандықтарда сыбайлас жемқорлыққа қарсы сана деңгейі артты

2017 жылы Агенттік үкіметтік емес ұйымдармен және басқа да мемлекеттік органдармен бірлесе белсенді түрде алдын-алу жұмыстарын жүргізді. Қазіргі уақытта әрбір қазақстандық дерлік жемқорлық жағдайында қалай әрекет етуді біледі, сондай-ақ елдің сыбайлас жемқорлыққа қарсы саясатының негізгі бағыттарымен таныс.

Қоғамда сыбайлас жемқорлыққа қарсы мәдениетті қалыптастырудың кешенді жоспары жүзеге асырылды.

Жоспар қоғамдық өмірдің түрлі салаларына әсер ететін 11 тақырыптық бағытта 15 жоба мен күнтізбелік іс-шараларды қамтиды. Сыбайлас жемқорлыққа қарсы білім беру және тәрбиелеу мәселелері «Оқулық», «Тәрбие», «Ғылым» жобаларында көрсетілген.

«Алдын алу жұмыстары халық арасында қолдау тапты. «Әлеуметтік-Зерттеу» Стратегиялық Орталығы» қоғамдық бірлестігінің әлеуметтік сауалнамасының нәтижелері бойынша респонденттердің 70% -ы сыбайлас жемқорлыққа қарсы іс-қимыл жөніндегі ақпараттық кампанияның жалғасуын қолдайды»- деді агенттік.

Бұдан басқа, өткен жылы «ПРЭКО Консалтинг» компаниясымен жүргізілген зерттеудің нәтижелері жемқорлыққа қарсы сана-сезімнің артуын көрсетеді. Респонденттердің шамамен 60% сыбайлас жемқорлыққа қарсы күресте белсенді қатысуға дайын екендігін білдірген болатын.