• Басты
  • Жұмыс істеп тұрған кәсіпорындарға инвестициялық артықшылықтар беріледі - ИДМ
9 Қаңтар, 2018 15:52

Жұмыс істеп тұрған кәсіпорындарға инвестициялық артықшылықтар беріледі - ИДМ

Салық салу мәселелері жөніндегі Қазақстан Республикасының Заңы аясында Кәсіпкерлік кодексінің инвестициялық жобалар, оларға қатысты артықшылықтар мен шарттарға өзгертулер мен толықтырулар енгізілмек.
Жұмыс істеп тұрған кәсіпорындарға инвестициялық артықшылықтар беріледі - ИДМ

 ҚР ИДМ Инвестициялар комитетінің ақпараты бойынша, инвестициялық климатты жақсарту мақсатында жұмыс істеп тұрған кәсіпорындарды корпоративтік табыс салығынан үш жыл мерзімге босату қарастырылып отыр.

Жаңадан құрылған заңды тұлғаның талаптары инвестициялық артықшылықтар алу туралы өтініш берген күнге дейін ғана жарамды болады (24 ай). Бұл жағдайда Салық кодексіне бөлек есеп жүргізу енгізіледі. Сондай-ақ, инвестициялық артықшылықтар туралы өтінішке қоса берілетін құжаттар тізімі оңтайландырылған.

«Осылайша, құрылыс-монтаж жұмыстарының сметалық құнын және негізгі құралдарды, шикізатты және материалдарды сатып алу шығындарын негіздейтін бірқатар құжаттар алынып тасталды. Бұл жеңілдік 5 миллион АЕК мөлшерінде инвестиция салынған жағдайда жүзеге асырылады», - деп хабарлады министрлік.

Еске сала кетейік, жаңа Салық кодексіне Мемлекет басшысы 2017 жылдың желтоқсан айында қол қойған болатын және 2018 жылдың 1 қаңтарынан бастап күшіне енді.

 

Барлық жаңалықтар