Қызылорда жастары арасында жұмыссыздық деңгейі 4,5%-ға төмендеді

Облыстық жастар саясаты мәселелері басқармасы басшысының міндетін атқарушы Майя Тасқынбаева өткен жылы  17 әлеуметтік жоба жүзеге асырылғандығын айтты.

«Өткен жылмен салыстырғанда жастар арасында жұмыссыздық деңгейі 4,9-4,5%-ға төмендеді. Былтыр мемлекеттік жастар саясатын дамыту жол картасы аясында түрлі бағыттағы 17 әлеуметтік жоба жүзеге асырылды. Оның 5-уі жастарды жұмыспен қамтуға бағытталған», - деді Майя Тасқынбаева.

Сонымен қатар, өткен жылы жастардың бос уақытын тиімді ұйымдастыруға, ұлттық құндылықтарымызды нығайту мен патриоттық тәрбие беру жұмыстарына, қиын өмірлік жағдайға тап болған жастарды қоғамдық ортаға бейімдеуге арналған жобалар іске асты.

Ал, биыл осы бағытта 11 әлеуметтік жоба жүзеге асырылады.