• Басты
  • Астанада қылмыстық процесті жаңғырту заңының қолдану тәжірибесі талқыланды
9 Қаңтар, 2018 09:16

Астанада қылмыстық процесті жаңғырту заңының қолдану тәжірибесі талқыланды

Бас прокуратурада ведомство басшысы Қайрат Қожамжаровтың төрағалығымен жиналыс өтті.
Астанада  қылмыстық процесті жаңғырту заңының қолдану тәжірибесі талқыланды

Оның жұмысына Бас Прокурордың орынбасарлары, орталық аппараттың қызметкерлері, сондай-ақ бейнеконференцбайланыс арқылы облыс прокурорлары қатысты, деп хабарлады ведомствоның баспасөз қызметі.

 «Қазақстан Республикасының кейбір заңнамалық актілеріне құқық қорғау қызметінің процестік негіздерін жаңғырту мәселелері бойынша өзгерістер мен толықтырулар енгізу туралы» жаңа Заңның аясында атқарылған бір апталық жұмыстың тәжірибесі мен туындаған проблемалық мәселелер талқыланды.

Бас Прокурор Қайрат Қожамжаров Заң талаптарын бұзудың алдын алу мақсатында ұйымдастырушылық шаралар қабылданғанын атап көрсетті. Атап айтқанда, барлық құқық қорғау органдары басшыларының қатысуымен жиын өткізілді, облыс прокурорларына Заңды қолдану тәртібі мен жеке құрамды оқыту бойынша Нұсқау жолданды, сондай-ақ әдістемелік құралдар әзірленді.

Облыс прокурорларының есебін тыңдаған Қ.Қожамжаров қылмыстық қудалау саласында азаматтардың конституциялық құқығын бұзу фактілеріне жол бермеу керектігін, себебі бұл адамның жеке бас бостандығын шектеумен, ұстау мен қамауға алумен байланысты екендігін атап өтті.

 «Прокурор заңдылықтың сақталуының кепілі, өңірлік прокурорларға уақытылы әрекет етулеріңізден азаматтардың қорғалу деңгейі әсер етеді», - деді Бас прокурор.

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды